مناغاة والدة امير المؤمنين فاطمة بنت اسد عليها السلام لولدها الامام علي عليه السلام اثناء مبيتها بالكعبة الشريفة
……………………………………..
سِـكـنت الـكـعبه ثــلاث امــن الـلـيال
وحــالـهـا اتــنـاغـي ابــنـهـا اتـلاطُـفَـه
مــن دخَـلْـنا يَـبْني مـن شُگ الـجدار
وُمْــضَــة الــجـنّـه ابْــوَمْـضـه خـاطـفـه
نـــزلــت ابــكــل احـتـيـاجـات الــحـيـاة
فــيـهـا كــوثــر وانــــت بــيـدك تُـغْـرُفَـه
فـيها كـل نِـعمَه الـى الـعِيْش الكريم
والــثـمـاره الــديـن بـسـمـك تُـقْـطُـفَه
فـيـها انـفـاسك مـثـل هــب الـنسيم
طــــاب بـيـهـا اجْـــروح كــانـت نــازفـه
ابـنـي يــا روحــي ويـا نـسمة هـواي
كـــل احـاسـيـسي ابـعـيـنك شـايِـفَه
نــظـرتُـك فــيـهـا صـــوّر كـــل الــوجـود
فــيـهـا رحــمــه فـيـهـا روح الـعـاطـفه
اخــذ صـرخـاتك مَـلَـك كـلِّـش عـظـيم
واسـمَـعُـه ايــنـادي اخـــذت الــرادفـه
وبـين ما كنت انتخي وانت ابحشاي
داخـــل الـكـعـبه نـــزل صــوت اعـرفَـه
كـنت اسِـمْعُه ابـداخل الـكعبه عـلي
ابــيـا عــلـي هـــذا الــنـدا دوم ائْـلَـفَه
وامــتـزج نـــورك مـــع الـنـور الـجـميل
نـور مـا عـمري شـفت هـاذي الصِّفه
صــوره والإبــداع مــن وحـي الـسماء
وانـتـشر يُـوحِـي وصــيْ لـلـمصطفى
جـالِسه واتـحفني مِـن كِل جَنّه حور
يــنــظَـرَنـي وبــالــصـفـوف امــكـاتَـفـه
اتـزاحـمن حـولـي وبـان ابـهن جـمال
يـشـبـهن بـالـنـور مـــا كـنـت اوصـفـه
كــل خِـصـال الـنـور مـن عـنصر عـلي
الله رازقــــهُـــم جـــمــالِــه وزُخـــرُفَـــه
رشَّـــن الــمـاي الـــورِد وابـكـل حـيـاء
يــنــظَـرَنِّـي وبــالــقُـرُب مِـسْـتَـلْـطِـفَه
عـيني لِـمحت فـوق جـنّه وكلها حور
ومــن اعـالـي الـجـنّه تِـنْـظُر مُـشْرِفَه
جالِسه في الكعبه وسمع همهمات
صــوت امــلاك ابـسـعي مـروه وصّـفَا
هـمـهـمـتـهـم بــالـتـوسـل والـــدعــاء
يــاعـلـي وبـالـبـيـت ظــلّــت عــاكـفـه
يــذكــرونـك بـالـنـبـأ وصــفــه عــظـيـم
الله بــــالآيـــات ســــطّـــر مُــصــحَـفُـه
صـفّـت امــلاك الـسما حـول الـمبيت
ولــيـلـهـم تــرتــيـل تـــدعــي واقــفــه
تــقــرا بــكـتـاب الـعـوالِـم والـحِـسـاب
عــلــي فــرقــان الــخـلايـق مُــرْهـفُـه
يـبـنـي صـــارت قـصـتـك ويـــا الـجـدار
ظــلّــت امـــلاك ابـحـبـرها اتـأرْشِـفـه
اتــقــول مــولــودچ ابــتـاريـخ الــوجـود
نــــوره مـــن طـــه امــتـزج بـالـمـعرفَه
والــنـبـي فَــهْـرَس عـنـوايـن الــوجـود
حـــيــدر الــشــرح الــفـهـارس الّــفَــه
والــعــلِـم تِــحــفـة ســـفــر لــلانـبـيـاء
كـــل نــبـي وحْــيِـه يـصـيـر ابـمـتحفه
جِـلْـسـت اتــوصُـف يـمـيـنك والـفـقَـار
وبـيـدك احـجـار الـهُـبَل مــن تِـنْـسِفه
ســـــورة الاحــــزاب وابــحَــدِّ الــفـقـار
احْـــروفْ مـكـتوبه ابْـصَـقِل مـتـراصفه
كِـتْـبـت اخــبـار الـخـنـادق والـحـصـون
الـعـامْرِي ومـرحـب عـمرهم تـخطفه
كِـتْبَت افـصول الـشجاعه وكـلها دِيْن
امــعـلـقـه ابــلـرقـاب يــــوم الــراجِـفـه
والــلــي مـكـتـوبه اعـمـالـه بـالـيـمين
فــيـهـا حــبُّــك والاعــمـال امـضـاعـفه
والــلـي مـكـتـوبه فـعـايـلهم شِــمـال
بـالـحَـشُـر حَــسْــرَه ومــنُّــك واجــفـه
والــلـي صــافـح ايــدك ابـيـوم الـغـدير
وابـقـلـب صــافـي صـراطُـك يِـكْـشِفَه
والــلـي صــافـح ايــدك ابـيـوم الـغـدير
وابــقــلـب حـــاقــد جــهـنّـم تِــحـذفـه
يـمـدحـك رب الـجـلالـه ابــكـل كـتـاب
ابــكـل كــتـب لــديـان ايـــه امـصـنّـفه
والــكــلام اكــثــر يــــدور ابـهـالـمـبيت
لـــكــن الاســـــرار يــبــنـي امــغـلـفـه
بــس ثــلاث الـيـال مــرّت كـالـسحاب
وصــعـدت الامـــلاك بـسـمـك هـاتـفه
……………………………………….
ابـــــــــو مــصــطــفــى ال يــــوســــف
29 رجــــــــــــــــــــــــــــــــــــب 1442 هـ
13 مــــــــــــــــــــــــــــــــــــــارس 2021
