في حق زملائي اعضاء مجلس ادارة نادي النور الرياضي بسنابس وتحملهم المصاعب لاجل النهوض بالنادي الى منصات التتويج مرة اخرى وبعافية رياضية. وهذا ما تم انجازه والحمد لله رب العالمين.
……………………………………………
مــو كـل جـبل فـيه الـقمّه لـك تـتويج
يـمـكـن فــوُّهَـه ومـنـصـهره صَـخْـراتـه
بــركـان الـجـبـل مـــن يـنـفـجر خـلـيِّه
مــــا تــقــدر تــســد بـالـقـوّه غــازاتـه
لا اتـحـسِّب وقـوفُـك عـالجمُر بـرهان
تــجـرفُـك الــصـهـاره بــيــن جــمـراتـه
مــن فــاه الـبشر هـم يـنطلق بـركان
جـــمـــرات الأذى يــرمــيـهـا بــلـهـاتـه
لـو يـنطق عـسل بـلسانه بـعد الصار
شــيـفـيـد الــمــتـوج فـــــوق قــمّـاتـه
خَــلْ جــدول الــدوري لـلـعناصر بــاب
يــفــتـح مــعــرفـه الــتـشـرح فــلـزاتـه
مـو كـل الـذهب مـن عـنصره معروف
لابــــــد تــفـحـصـه وتــوزنــهـا ذرّاتـــــه
رصـيدك بـالذهب مـن بـعد مـا اتنقّيه
والـمـعـدن اصـــل والــذهـب لـمـعـاته
لا اطَّــيِـح ابـشـبـاك الــلـوم والـنـكران
تــرى اجــروح الـقلب لـومك جـراحاته
اذا تــنـكُـر فــضِــل وابـعـقـلُك اتـزكـيـه
دوُّر عـــن عــقـل تـرضـى ابـمـقاضاته
لا تـرمـي حـجَـر واتــأذي لُـك انـسان
لان كــثـر الـحـجر تِـعْـثر بــه خـطـواته
تِــحِـس چنُّــك كـبـير وُتَــوُّك ابـلـقماط
تــــرى لـلـيـوم تــرضـع والـلـبـن ذاتـــه
اقـوالـك عـسـل بـلـسانك الـمعسول
والــخـنـجـر افــعـالـك بــيـنـا طـعـنـاتـه
اذا مـــاج الـبـحر نـسـأل عــن الـربّـان
امــل تـجري الـسفينه فـوق مـوجاته
اذا تِـنـكُـر نـجـاتُـك مــن بـعَـد طـوفـان
يـعـني الْـمَـن كِـنِت تـسأل امـناجاته
قـائـدها الـسـفينه مــا تِـغِـلْبه الـريـح
يـتـحـلّى ابـصـوابـه ويـنـجِـي لـنـجـاته
كِنت انت سبب للفرحه ذيك اسنين
وكـنت انـت ابـجشع تسرقها فرحاته
والـمـاضـي قـريـب الـنـور هُــوَّه الـنـور
عـنده اشگد سـجل لـديون صـفحاته
حُــــط درع الـبـطـوله وعـــدِّل الــمـرآة
بــتـشـوف الــذهــب لــديــون مــرآتـه
والــفـن لِـــه إداره وجـامـعـه واكــتـاب
والـــــنــــور الإداره بــــيــــن دفــــاتــــه
والـقـائـد مُـحـنّـك والـخـصـم مــعـروف
يـسـتـطلِع حـصُـنـهم يـلـقي نـظـراته
مـعـقـولـه الـكـتـيـبه تــنــزل الـمـيـدان
واتــــرد بـالـنـصـر مــــن دون طـلـعـاته
إشْـهد بـالقُسُط وإعْـدِل كـلامك زيـن
والـتـقوى ابـلـسانك تـنـطُق اشـفـاته
مـيـفـيد الـشُّـكـر يـخـرج ورى لـقـلوب
لان كـــــل الــشـكـر لــلــه ابـعـبـاداتـه
ثــلــه اطــوعـت لـلـمـجتمع والــنـاس
كـــان اصـعـب وقِــت لـلـنادي بـوقـاته
لــلـنـور ابــتـطـوُّع حِــمْـلـت الـتـكـليف
تِـشـعِـل مــن تـعـبهم نــور شـمـعاته
……………………………………………
ابو مصطفى ال يوسف
23 شعبان 1442 هـ
5 ابريل 2021
