ابيات عاطفية اجتماعية
……………………………………
الـيـحـبـك مــــا اتــعـذّر بـالـمـسافات
ولا شــوقــه الُــــك خــلّـص رصــيـده
انـــت الــلـي تِـحـبـنا واحــنـا نـهـواك
وابْــحُــبــك انــــــا انـــظــم قــصــيـده
ابــيــات الــشـعُـر تـبـنـيـها لــشـواگ
تِـنْـظُـمْـها ابــنـبُـض قــلــب الْـتِـرِيـده
يـربـطـني ابـدمـا مـحـبوبي شـريـان
مـثـل حـبـل الـوصـل ربـطـه شـديده
ألِــيِـمـه ذكــريـاتـي وخِــلِّــي ابـعـيـد
يِــزيـد الــحُـب الـــم حـــب الـبـعـيده
وتـــر يــعـزف حـنـين ابـقـلبي يـنـعاد
ويــعـاودنـي الــوجــع لــمّـن اعــيـده
اشـم ريـحة نـفس والـنّفس معهود
امــيِّـز عـطـرتـه مـــن يــفـرُك ايــيـده
كـــلامــه مــــا يـبـارحـنـي ولا لــيــل
وكــــل كـلـمـاتـه بـالـمـعـنى فــريـده
ويــن الـقـى مـحـب مـثـله احـاچيـه
يـسـمـعني ويـــرِد كـــل مـــا اريـــده
والــحـب لـــه عــبـاده وعـــدّة ادروب
تــاهـت فـــي دروبـــه كـــل عـبـيـده
صــلاتــه افــــروض صــلاهـا تـراتـيـل
وتــرتـيـل الــدعــا الــحُـبِّـي يِــجـيـده
وجــنـاتـه ابـتـسـامـه وثــغــرُه بــلــور
والـلـولـو ايـتـلالـى امْـحَـلّـي جِــيـده
بـكـتـاب الـعـشگ وشـكـثر ســادات
مـــا عَــدْهْـم كــثُـر خـلّانـي سِـيِـدِه
يـبـعث لــي مــن ابْـعـيد الـمـراسيل
حــمــام الــزاجـلـه اتــقــرُّب بــعـيـدِه
خــلـيـت الــسـهـر حــبـر الـمـكـاتيب
وخــلـيـت الــظــرُف قــلـبـي ابَّــرِيـدِه
مــــن اســمـع خــبـر عــنّـه يـــداووه
طـــريــح افــــراش والــعـلـه اكــيــده
احــضــر وســمـعـه يــطـلـب ولــبـيـه
لـــو طــيـر ابـسـمـا اصــعـد وصــيـده
افـــرح مِــن اشـوفـه وتـدمـع الـعـين
دمــعــاتـي دوى ويــمــكـن تِــفــيـده
ولـيـفي مــن فـحـص قـلـبه الـدكتور
لــقـى دمـعـة فــرح تـجـري ابـوريـده
شريت امن الذهب والفضه ولماس
لـقـيت الـصـوغه فــي حـقـه زهـيده
حِــسّـادي اكــثـرَوْ وصـــارَو يِــدَبْـرون
بـعـيـون الـحـسـد شـفـت الـمـكيده
شــافـونـي شــريـت اورود بـسـتـان
افـــــرش بـــالــورد خـــلّــي مَــدِيــدِه
مـــا اهــتـم الـيـهُم هــذي لـشـكال
وصـــــارت نــظـرتـي لــيـهـم بــلـيـده
لــو تـبـعِد نـظرها الـناس عـن نـاس
حـيـاتي اتـصـير مَــعْ خِـلِّي سـعيده
……………………………………
ابــــــــو مــصــطــفــى ال يــــوســـف
7 شـــــــــــعـــــــــــبــــــــــان 1442 هـ
20 مـــــــــــــــــــــــــــــــــــــارس 2021
