فـــي مــولـد الــرسـول الاعـظـم صـلـى
الله عــــلـــيـــه والـــــــــه الاطـــــهــــار.
…………………………………………
مـــرســال الـــفــرح واعـلـيـنـا تـوجـيـبـه
بــــاب الـمـصـطـفى يِـبْـهـجـنا تـرحـيـبـه
…………………………………………
(1)
عــلـى نـغـمـة فـــرح صِـدْحـت امـانـينا
عـــلــى حــــر اللهب لــشــواگ خَـلِّـيْـنـا
عــلـى نـبـض الـعـشگ نـرسـل تـهـانينا
عــلـى درب الـمـديـنه اضــعـون شـدِّيْـنا
لــلــمــديــنـه عـــــلــــى درب الـــــوفــــا
لـلـنـبـي انــــروح ولا انــصـيـر ابـجـفـا
وتـمشي اعـلى الـدرب لـقلوب تحدي به
…………………………………………
(2)
خـيـالـي ابـحـضـرة الـهـادي دخـلـناها
صــــلاة الله عــلــى الــهـادي تـلـيـناها
ثــلَــث مـــرّات مـــن نـذْكُـرْهـا عـدْنـاهـا
واهـــتـــز الـــحـــرم لـــمـــن ذكــرنــاهــا
مــــــن نــصــلــي عـــلـــى ال الــنــبـي
كـــلــمــة الآل اصـــــــول ابــمــذهــبـي
مــــا نـبـتـرهـا لــنـهـا اتـبـاعِـد الـريـبـه
…………………………………………
(3)
لــبـو الـقـاسِـم فَـــرُض واجـــب وادِّيْـتِـه
وبْـــــأرُض الـمـديـنـه اهــنــاك حـجـيـتـه
طـلـبنا الإذِن عـنـد بــاب الـنـبي وبـيـته
ادِّيـــنــا الـــزيــاره ابـــروضــة ابـنـيْـتِـه
بــــيـــن مـــنــبــر ابــــوهـــا وغـــرفــتــه
تـــرقــد اهـــنــاك الـــزهــرا ابــروضـتـه
والـروضـه الـشـريفه اتـفـوح مــن طـيبه
…………………………………………
(4)
زرنــــــا بــالــمـقـام اركـــــان لـلـتـبـجـيل
ركــن الـوحـي اهـنـاك انــزول جـبرائيل
وبـــاب الـمـرتـضى بــعـده بـــلا تـبـديـل
ولـلـسـبـطـين غــرفــه يــنـقـرا الـتـنـزيـل
انـــظـــر اركـــــان ابــقـلـبـي نــابــضـه
ادمــــــوع لـــفــراح عــلـيـهـا فــايــضـه
كــــل ركــــن الْــنُــزُوره انـعـيـد تـرتـيـبه
…………………………………………
(5)
وســـط الـمـشـهد الـمـولـد زهــى الـمـنظَر
رجَّــعْــنـا الــزمــن والــمـاضـي يــتـكـرر
ارِحْـنا ابـصوت چنّـه المصطفى اتصدّر
رد ابــــلال صــوتــه بــالـصـدى وكــبّــر
اذَّن ابـــــــلال يـــطــيــع الــمــصـطـفـى
ابــــصــــوت لاذان نــبــيــنـا شــــرَّفـــه
وابْـــصـــوت الأذَان الــقــلُـب تــرطـيـبـه
…………………………………………
(6)
بــالـروضـه صـدحـنـا بـالـدعـا ولــذكـار
يـغـمـرنا ابـحـفـاوه ابـحـضرته الـمـختار
واتــفــرُّح نـبـيـنـا الــدعــوه بـالاسـحـار
عــالـهـادي الــصــلاة والــــه الاطــهـار
بــــيـــن طــــــه والـــبـــاري هــالــصِّـلَـه
والــبــتــرهــا ابـــصـــلاتــه مــشــكــلــه
مــعــنـاة الـــصــلاه لــلـبـاري تـقـريـبـه
…………………………………………
(7)
مـــــن يـــرفــع اذان ويــنـذكـر اســمــه
تــرجــع لـلـمـديـنه الـنـفـحـه والـبـسـمـه
والـكـل يـرفـع الـصـوت ابــأدب حِـشْـمه
يـصـلـي اعـلـيـه ويــذكـر آلــه بـالـرّحمه
والــغــطـا ابـمـسـجـده لــــو يـنـكـشـف
نــســمـع امــــلاك تــصـلِّـي وتـعـتـكـف
والــصــوت اعـتـلـى وبـالـنـغمه تـهـذيـبه
…………………………………………
مـــــــحــــــمــــــد ال يـــــــــوســـــــــف
15 ربـــــــــــيــــــــــع الاول 1443 هـ
21 اكـــــــــــتـــــــــــوبــــــــــر 2021
