قـصيدة تـوصيف عـاطفي بين المحبين.
…………………………………………
جـــمــرات الــقـلـب بــالـصـدر لاهــــوب
يِـشْـعِـلـهـا الـــولَــه وســـطــه قــنــاديـل
اداوي اجــروح مــرّه وُتُـمْـرَض اجــروح
كِـــثْـــرت لـــلــدوى كِـــــذب الاقـــاويــل
تــاخــذنـي ابـــذكــر حُـــبُّــك الآهــــات
اسَــكِّـنْـهـا ابْـــوَتــر يِـــعــزف مــووايــل
اذْكُــــر مــــن مــكــان الــزُرْتِــه ويّــــاك
وسْــمــع بــالـصـدى صــوتــك تــراتـيـل
اشِـــم لـلـيـوم طــيـب انـفـاسـك اويــاي
حـــافــظ طــيــبـك ابــشِــفـة فــنـاجـيـل
اعــــرف طــيــرك الــيـطـرب الــصــدّاح
حــتـمـن لــــو صــــدح بــيــن الـبـلابـيل
ارســـلــت الـــزواجــل مـــــرّه واثــنــيـن
ولا جــتـنـي ابــخـبـر عــنُّــك مــراسـيـل
مــــن ذاك الـقـمـيـص الْـغَـطَّـى لِـمـتـون
مــــن خــيــط الـمَـتـن انــسـج سـرابـيـل
مــن جـسـمك نــدى مــن طـيبك ايـفوح
احْــفَــظ هــالـنـدى عــنــدي ابـمـنـاديل
لامـــونــي ابـــهــواك اقــــرب الــخــلّان
صِـــرِت نـاقـص عـقِـل بـيـن الـرجـاجيل
مــثـل بـهـلـول يـخـفـي عـقـلـه بـجـنـون
ويــخــفـي امــحـبـتـه لــهــل الـبـهـالـيل
يــمـتـى اتــعــود تــلـبـس تـــاج لـــورود
وردك مـــــــا ذِبَـــــــل دون الاكـــالــيــل
عـــــوِّد يـــــا عـــديــل الــــروح لــلــروح
تــــرى ادروبــــك اذا تــنـوي تـسـاهـيل
كـيـف اقْـطَـع درُب مـن دون مـا شـوف
گَلْ الــــشـــوف وادروبــــــك عــراقــيــل
بــســتـان الـــــوَرِدْ بـالـعـطـش ذبــــلان
صــــار الــشــوك اثــمــار الـمـحـاصـيل
صــرت ابــلا شـعـور احـمـل الـجـمرات
بِـــيِــدِي جــمــرتـي وشْــعِــل نــراجـيـل
قـــلــت الـــيــوم لــــو بــــاچر اوافــيــك
واعَــدْنــي الــوقِــت وَعْــطـانـي تـأجـيـل
انْــويــت الــسـفـر لُــــك راحــلــة خــيـر
لــكــن مــــا صُــفَــت غــيــر الـمـهـازيـل
رِدْت اوصــف شـعـوري ابـلـحظه ولگاك
ابــفـكـري اتْــسَـكَّـرَت كــــل الـمـداخـيل
قــلــت آنــــا الـشـمـس يـمـكـن تـدلـيـك
صـــــار الــغــيـم بــشــكـال الـغـرابـيـل
تَــوَّهــنـي الــنـظـر لــكـنّـي مــــا تُــــوه
اعــــــرف رنّـــتُـــك بـــيـــن الــخـلاخـيـل
اعـــرف نـظـرتـك مـــن تــحـت لـحـجاب
واعـــــرف لـــــون كــحـلـك بـالـمـكـاحيل
انــظـم لـــك شــعـر نــصّـاري مـــوزون
مــفــاعــيـلـن مــفــاعــيـلـن مــفــاعــيــل
بَــوْصُـف حـالـتـي مـــن يـــوم فـــرگاك
عِـــجْــزَت بــالــوصُـف كــــل الـمـفـاعـيل
…………………………………………
مـــــــحــــــمــــــد ال يـــــــــوســـــــــف
12 جــــمــــادى الاولـــــــى 1443 هـ
16 ديــــــــســـــــمـــــــبـــــــر 2021
