……………………………………
يا بِشر ابأنين .. اه يَمِّي البنين
مِنْ تِسْأل اعْلى احْسين .. بهدايه عليها
……………………………………
(1)
وصّل ركب مهيوب بحدود المدينه
وسط الركب تمشي محاملهم حزينه
ما شفنا بيها ارجال وتحيط الظعينه
شفنا شخص محزون وابحزنه انينه
خَلْ صوتك حزين .. اه يَمِّي البنين
وِنْعى يَبِشْر احسين .. من تُوْصَل اليها
……………………………………
(2)
گَلها اجيتچ للنعي يا ام لبدور
عندي رساله موجعه واتزلزل الدُوُر
قالت له المن هالنعي يا بِشِر منشور
قلها لولادچ لربعه وابيوم عاشور
بالله أسْتَعين .. اه يَمِّي البنين
عندي رسالة شوم .. لابد تسمعيها
……………………………………
(3)
يا بشر قلبي منجمر .. من دون هالناس
بحسين خبرني ترى .. مقطوعة انفاس
اولادچ ابطف كربلا .. رفعو لچ الراس
بحسين اسأل يا بشر .. تخبرني عباس
مقطوع الوتين .. اه يَمِّي البنين
راح البطل عباس .. والدمعه اذرفيها
……………………………………
(4)
وقّف بشر من قامت .. اتنشده اوتخبره
حس ابقلبها ملتهب .. چن صار جمره
بيّن حزنها وانكشف .. من تحت ستره
لمن بچت نادت اسى .. صاحت يزهرا
صبرچ واسمعين .. اه يَمِّي البنين
روحي البقيع اهناك .. والزهرا اندبيها
……………………………………
(5)
خلهم يروحوا يابشر .. فدوه لَلِحسين
هذا شرف لي وفتخر .. من ينصروا الدين
بالطف اجيهم وعتني .. وزرع رياحين
يرجع ردت سالم الي .. شيخ السلاطين
صعبه تِسْمَعين .. اه يَمِّي البنين
مجلس عزيّه اليوم .. لحسين انصبيها
……………………………………
(6)
صاحت ابعالي الصوت .. اه اعليك آهات
بحسين خبُّرني اشجرى .. لا ظنّي ما مات
خبرني عباس اعتذر .. ما راح لفرات
حازت ليوث الاربعة.. اربع شهادات
كلهم نايِمِين .. اه يَمِّي البنين
بالغاضريه النوم .. روحي وقظيها
……………………………………
(7)
ردت ابحاله موجعه .. والدّار وحشه
مشيها للدار الزمت .. عالجمر ممشى
والليل تقضيه ابسهر .. تصحى وتغشى
وحسين تسأل يا خلُق .. من رفع نعشه
لا لا تسألين .. اه يَمِّي البنين
نعشه بيادي الناس .. ليتچ تنظريها
……………………………………
ابو مصطفى ال يوسف
13محرم 1440 هـ
23 سبتمبر 2018
