مولد النبي صلى الله عليه واله
………………………………
نقرا في القرآن اكثر من دليل
كم مهد له معجزات امسجله
يوسف اللي تهمته اذّى العزيز
هم زليخه اتريد تخفي المسأله
اشّر اعلى الطفل قال انتو اسألوه
قال من خلفه القميص انقّد إله
مريم ابعيسى اجت شارت اليه
اشلون احنا البلمهد نصغي اله
أنا عبد الله اوصاني ابصلاه
هم أنا المولود وامّي الماثله
موسى من كان ابمهد خافت عليه
رميته ابتابوت واليّم وصّله
النبي المصطفى الهادي البشير
من يجي المولود بشّر كل هلِه
اقصد آنا الآل من بيت الرسول
ليها بالأسما عظيم المنزله
قبل ما يتسمى بالأرض الامام
لازم اتشير النبي هم تسأله
والنبي منطوق وحي الله يصير
يسأل الله ابأي أسم نتوسله
تالي يتسمّى الامام امن الرسول
والرسول ايقول الله امنزله
وآنا بسأل يا رسول الله سؤال
انت اسمك منهو ذا اللي استقبله
احنا نعرف والدك فارق حياة
بقت امك بيك تسعه حامله
يعني لازم فيها معجز الله راد
لامك اتسميك لنها السائله
وانت نور ابمولدك ينطق ضواك
لنه من ذرات وانت الذر اله
يعني انت بالمهد شفت الضوى
والضوى من داخله اسمك على
آمنه سمعت محمد يا حبيب
الله هالسمّاك وامك ناقله
………………………………
ابو مصطفى ال يوسف
١٩ ديسمبر ٢٠١٦
