قصيدة ينطوي الكرّاس

…………………………………

ام البنين ابكربلا عالنّاس

باعت شرت من وقتها ساعه

واللي شرتهم اربعه حُرّاس

لحسين وقت الحرب فزّاعه

باعت الْيُوث ابينهم عباس

شيمه اوغيور الليث اطباعه

لمن يحچوها عن النبراس

قالت احسين النور واشعاعه

والتضحيه صعبه ابزمن تنقاس

حب البنون الناس طمّاعه

يوم الحشر ترفع بسمها الراس

ترفع الزهرا اچفوف للطاعه

كانت عطاشى بالخيم لنفاس

واچفوف ابو فاضل الترّاعَه

وقفت وفا والزهرا كلها احساس

نار الفقد للمهجه لسّاعه

واليوم ينعى بالحزن درّاس

يقرى العزى والشيعه سمّاعه

اتْفَارُق الدنيا وينطوي الكرّاس

قضت عمر بالنوح ونواعه

والزهرا تشفع من بچى العباس

ام البنين اوياها شفّاعه

…………………………………..

ابو مصطفى

14 جمادى الثاني 1440 هـ

29 فبراير 2019