في ولادة فاطمة المعصومة عليها السلام
……………………………………
يا نبته ابغصن واوراقها الريحان
شمينا عطرها وطولها اتورَّد
شفناها ابمسافات البعد بلور
شفناها ابقُرُب ياقوته بالعسجد
واتعالت من القبه تشع انوار
وانفاس الملايك فيها تتعبد
قُم ابمولد المعصومه تزهي اتنور
والحور ابجلاله اتعانق المشهد
وابوها الكاظم وخلفه الرضا مسرور
وصل بالهيبه موكب يقدِمِه الامْجد
والبسمه ابمحيا الكاظم المهيوب
على ابيوت المعالي البسمه تتردد
طلعت من بيوت العاليه هالناس
وصلت تحتفل والمحفل اتجدد
نسمع من وصلنا الناس كلها اتموج
توقف بالسرى واتصلّى عالأحمد
وقفت والمباني اتقزمت لليوم
بس باقي مقام الفاطمه اتخلّد
معلم للحضاره والعِلِم مبناه
مرقدها الجليله إلْأسس المعهد
اخْذَت من ابوها فهرس استنباط
وافْتَت بالمسائل عالِمَه تِنْعَد
معصومة الكاظم عمرها الميمون
ما بين الابو وبين الرضا اتحدّد
وابحبها اليفيض اعلى الرضا معروف
لازَمْهَا ولعند باب الرضا اتوّطد
مولدها بنى لَهْلِ العلم عنوان
وابأرض الرضا بنيانها اتشيّد
والشيعه ابفرح صلّت قيام الليل
بالمشهد فضيله ويَمْها تتهجد
……………………………………
ابو مصطفى ال يوسف
30 شوال 1441 هـ
22 يونيو 2020
