في حق فاطمة بنت الامام الحسين عليهما السلام.
……………………………………………..
كلما اهل دمعاتي .. اذكر صبر عماتي
والدمعه بجفوني تظل حيرانه
……………………………………………..
(1)
بويه لجلكم بنتظر بدموعي
علّة افراق وعلّه بين اضلوعي
للدار صعبه دخلتي وارجوعي
الّم سفركم سجدتي واركوعي
من تكتمل صلاتي .. اذكر صبر عماتي
وذكر ابويَه من استمِع لآذانِه
……………………………………………..
(2)
صعبه اشتياقي يُعرفُه غير الشوق
شَلّعت قلبي من مشت ذيك النوق
شالت معاها كل عشق للمعشوق
عالرّاس شوقي البسه مثل الطوق
من تعتلي آهاتي .. اذكر صبر عماتي
شوق الاماني وللأَبو ولهانه
……………………………………………..
(3)
بصبر يبويه وعالصبر متعوده
شدّه اعلى قلبي ابدونكم هالقعده
واتزول بعد ارجوعكم هالشدّه
وتسلّى وقت اغيابكم هالمُدّه
وابحلمي وابيقضاتي .. اذكر صبر عماتي
صبرني الله ابهالصبر سبحانه
…………………………………………….
(4)
شلتو ابظعنكم كل مهد للرضعان
دور المعالي خاليه امن الشبان
بس آني وحدي دون باقي النسوان
وعمامي كلهم بس عليل الاوطان
من تنهمل عبراتي .. اذكر صبر عماتي
وعمّي امحمد عبرَتِه ابوجدانه
……………………………………………..
(5)
سرك عجيب ابهالسفر والترحال
دورك خلِيّه وتخفي عنّي الاحوال
وابصدرك اتشيل الحِمِل والاثقال
يا صاحب البُصرَه اشتشوف امن اهوال
من ترتفع ونّاتي .. اذكر صبر عماتي
صبرك علامه والحزن نيشانه
……………………………………………..
(6)
داويني قبل اتروح بويه اتقلِّه
حتمن اطيب ابهالدوى من العلّه
ابدرب السفر انسى المرض واتسلّى
يحسين خَلْني ابْشُوفَتُك اتمَلّه
انسى اشكثر علّاتي .. اذكر صبر عماتي
عندي الامل يرجع ظعن لوطانه
……………………………………………..
(7)
رفعت اييديها والحزن علّاها
نادت فمان الله وتهل عيناها
سافر سعَدْها والامل سلّاها
لمّن حضنها احسين هم وصّاها
وقت البچي اوحسراتي .. اذكر صبر عماتي
قضِّيت ايام العمر بحزانه
……………………………………………..
ابو مصطفى ال يوسف
5 ذو القعدة 1441 هـ
26 يونيو 2020
