في شهادة انصار الامام الحسين عليه السلام رضوان الله عليهم.
……………………………………………
والصبح لمّن يِطُرْهم .. خويه لصحاب اشكثرهم
رد عليها يا مصونه .. القطا صاحي ابخيمهم
……………………………………………
(1)
من قصَدْت الكربلا وصلتنا لخبار
وانتظرنا جيتك يشيخ لنصار
رحبّت زينب قدومك يبِنْ لخيار
هلّت ادموعك على الوجنات مدرار
تعرف ابكل المصيبه .. زينب اتسافر غريبه
واليِسُر قصِّيته ليها .. بالسبي موكب سفرهُم
…………………………………………..
(2)
كربلا لاحت سماها بالمصايب
بكره يالانصار تتلاقى الكتايب
ليلْكم هوّد ظلامه يالأطايب
هاذي فرصه ترجعو اديار الحبايب
رد حبيب الليل هوّد .. باچر الميدان يشهد
هز حبيب الرايه بييدِه .. رفرفرت راية شيمهم
……………………………………………
(3)
من شيمهم زلزلو الطف المحبين
واهتَففَو برواحهم يفدون لحسين
يحسبوهم قوم اميه العدد سبعين
والحقيقه بالسما تنعد ملايين
والملايك ليها حَسبه .. كل فرِد منهم لِه نسبه
اتنَقَّلَوْ ابْصلب الطهاره .. من بدُر يمتد نَسبهم
……………………………………………
(4)
كلمتك يبن المظاهر يعرفوها
تنقتل تحرق وتحيَى يذكروها
هالفعل سبعين مرّه ايكرروها
والحسين ايقول ياعمنا كفوها
تنقتل سبعين مرّه .. هالفعل بالجسد يجرى
في سبيل احسين تمضي .. روحك ابموكب سفنهم
……………………………………………
(5)
موقفك يبن المظاهر ما تكرر
ذكَّرتهم وانت من اصحاب حيدر
حملتك بالعاشر العسكر تحيّر
صيحتك يحسين هِزْمت هالمعسكر
وانهزم جيش الضلاله .. وانتصر خط الرساله
نصرتك لِحسين تمّت .. وانتصر دمُّك عليهم
……………………………………………
(6)
سطّرو لنصار تاريخ الشهادات
وانكتب للدين بالدم انتصارات
وارتفع لحمر علم والذله هيهات
يا حسين ابكل زمن صارت شعارات
كربلا كل ارُض ثائُر .. واصبح ابكل يوم عاشر
يالتزورون المشاهد .. شاهد اعلى الطَّف قبرهم
……………………………………………
(7)
صُحبه والتاريخ سجّلهم بلطفوف
يعرفوا الاسلام بالاوهام مخطوف
آمنَوْ واحسين بالاخطار محفوف
والكَهَف لحسين لكن دون لكهوف
جاوروْ كهف الديانه .. آنَسَوْ صوته وأذانه
بالعزى انجدد اماني .. كل سنه انكون ابقربهم
……………………………………………
ابو مصطفى ال يوسف
30 ذورالحجة 1441 هـ
20أغسطس 2020
