في استشهاد العباس بن علي عليهما السلام
……………………………………………
ساقي العطاشى العباس .. وابيمنته الراويه
لطفال تنتظره ايعود .. منها الحشى ظاميه
……………………………………………
(1)
عباس من لاقى القوم .. يطحن جَمِعْهم طَحن
يترنم اعلى الضربات .. سيفه يجيد اللحِن
تهرب اقباله الفرسان .. وابإييده رمح الطعِن
واحسامه يخطف لرقاب .. للموت يشحن شحِن
من بعد حد البتار .. يرسلها للهاويه
……………………………………………
(2)
عباس من جى لفرات.. للجيش يحمل نعِش
خلّى الجثث فوق القاع .. يفرش جثثهم فرِش
فرّهد جميع الابطال .. وبن سعد مندهش
كل من قرب للعباس .. منّه القلب يرتعِش
تستسلم اقباله ابحال .. واعلى الرُكب جاثيه
……………………………………………
(3)
بالجيش خلّى تذكار .. طعناته ما تلتوي
جمره ابصدور العدوان .. تكوي صدرهم كوييِ
ضرب الصقيل ابلرقاب .. يدوى ابقلبهم دوي
خلّى بشفار البتار .. من هالدما يرتوي
وابحدِّه يشعلها النار .. سيف البطل حاميه
……………………………………………
(4)
وارث القوه والباس .. عزمه عزم حيدره
لفرات لو كله اجنود .. لمح البصر يعبره
لو الف بن ود موجود .. ضربه ابألف يشطره
لو قرر مرحب ايعود .. ينزل اله وينحره
حيدر قسم جنه ونار .. بس بو الفضل هاويه
……………………………………………
(5)
قالُو لِه هذا العباس .. طار الفكر بالعقِل
وارث ابوه العيسوب .. من صلبه هذا الشبل
ضج بن سعد صاح اصياح .. جيشه امتلى بالقتِل
مصدر القوه بالجود .. ارمو عليها النبِل
ظل بالعطش واويلاه .. وماي النهر جاريه
……………………………………………
(6)
من سددو لِه سهمين .. وصْلت لراعي العلم
من گربته سال الماي .. بالعين نابت سهم
نِظْرَت اعيونه الاطفال .. عطشانه وسط الخِيم
ماهمّه دمِّه اللي سال .. يتمنى جودِه سلَم
واتفرّقو اعليه اصفوف .. قتل البطل ناويه
……………………………………………
(7)
طاح البطل عالتربان .. بالحسره هل دمعته
بالحسره زاد العباس .. لمّن نظر گربته
كثرت ابصوته الونّات .. عالگربه جر ونّته
وصل انينه لحسين .. ظهره انكسر ساعته
من طاح زلزل لطفوف .. كل المَلَك ناعيه
……………………………………………
(8)
قطعَو يمينه وليسار .. وانصاب هامِّه ابعمد
ادركني يحسين ابساع .. جا لِه وفُؤاده انمرد
ضمّه لحسين ابلحضان .. والشوف منّه انفقد
ياخويه ظهري مكسور .. بالدنيا مالي احد
جر ونّته احسين ابآخ .. والآخ كم غاليه
……………………………………………
(9)
شَرْط اللي ينصر لحسين .. نافذ بصيره وبصر
وانفرد بيها العباس .. وابكربلا المختصر
من طلب رُخصه المهيوب .. قلب الحسين اعتصر
لمّن ركب فوق الخيل .. وشگال تاج الفخر
اركب ابنفسي عباس .. كلمه اشكثر راقيه
……………………………………………
(10)
اكبر دليل اتشوفوه .. يوم الحشر ينكشِف
تطلع الزهرا ابمنديل .. دمّه طري ومايِجِف
تكشف اچفوف العباس .. وكل الخلُق ترتِحِف
واتقطّعت بيش اسباب .. حقها بعد ينِّصِف
وام البنين اعلى احسين .. منها المقل باكيّه
……………………………………………
(11)
تطلب الباري ام احسين .. تذكر اسم عالمَه
تذكر اسمها واتصيح .. اسم المرَه فاطمه
والعالمه بنت احزام .. عندي لها اوسمه
بالطف اليها اشبال .. افدَت احسين ابدما
والباري رد ليها اجواب .. طلبيها يالغاليه
……………………………………………
ابو مصطفى ال يوسف
5 محرم 1442 هـ
25 أغسطس 2020
