في حق الامام الصادق عليه السلام
………………………………………………
اذا كل المذاهب تشهد الحال
فقه الجعفري شاهد عليهم
امام الصادق اللي اسس افصول
يمر لفصول بس يسمع حچيهم
يسمع للمسايل بين لَعْلام
يخفون السند من بين ايديهم
اذا جعفر الصادق ليهم استاذ
خوف امن الحقيقه يعتريهم
من عطشان يطلب قوم للماي
من نفس الروي يشرب رويهم
مكاتب للفقه وشگد طباعات
ما غير الجهل بس يشتريهم
صعب يفهم فقهم واحد اليوم
صعب تعرف امرهم من نهيهم
من دون الفقه صعبه العبادات
اذا اختلفت مسائل يحتويهم
للمذهب ائمّه تحوي لعلوم
باقي الناس بس تمشي مشيهم
شيعه وبالفخر مذهبها مرفوع
والصادق نفس مذهب نبيهم
اذا ابيوم الولاده من يفرحون
ترى ابيوم الوفاة إسْمَع نعيهم
سلام الله على اللي مات مظلوم
صوت امن الارض ينعى وليهم
ترى حتى الملايك تتبع الصوت
فقط للشيعه من تسمع دويهم
………………………………………………
ابو مصطفى ال يوسف
24 شوال 1439 هـ
8 يوليو 2018
