حـــال الـعـقـيلة زيــنـب عـلـيـها الــسـلام بــعـد
فــقـدهـا لامَّــهـا الــزهـراء ســـلام الله عـلـيـها.
…………………………………….
يـمـتـى الـمـعـزّى ايــقـوم يـحـيي اهـنـاك امــره
ونـلـقـاه يـــا يــمّـه خَــلَـص مـــن گيـــد صـبـره
…………………………………….
(1)
مــــــرّت لــيــالـي الـــســود يُـــمّــه وعــذبـتـنـي
وُهْـــمــوم قــلــبـي اعــلــى الــمـواجـع گلّـبَـتْـنـي
وحــــدي ابــظــلام الــــدّار وَحْــشَـه جـاورتـنـي
والـــوِنْـــســـه دونچ يــالــحـبـيـبـه بــارَحَــتْــنــي
والــــدار بــعــدچ مـظـلـمـه وابـقـلـبـي حــســره
…………………………………….
(2)
مـــا طـــاب رَغْــد الـعـيْش بـعـد امــي الـزچيـه
يــصــدح نَــعِــيِ الايــتــام بــصـوات الـشـجـيه
ذبـــــلان غـــصــن الــديــن والــزهــره الــنـديـه
وُقْــفــت رحـــى الاســـلام والـشـمـس الـمـضـيه
ومِــحْـراب سـجْـدَتْـها ســكَـنْ واسـكـونِـه عــبْـرَه
…………………………………….
(3)
وابـمـصـحف الــزهـرا فَــصُـل لـلـفـدك مـكـتوب
نِـحـلـة ابــوهـا الـمـصـطفى والــفـدك مـغـصوب
وصــفــحـات مـــنّــه امـــزّقــه والإرِث مــنــهـوب
واسْـطْـورُه مــا هــي امْـكَـمَّلَه والـحبُر مـسكوب
وآثـــــار دخـــــان الــحــطـب عــالـدَّفَّـه جــمْــرَه
…………………………………….
(4)
يُــمَّــه الچ يــــبچي الأثــــر وايــعـيـش بــالـدّار
خــطــواتِــج الـمِـتْـعَـثًُـرَه واســـقــوطِچ إلْـــصــار
وايــدچ عـلـى الـبـاب الأنـامـل بَـصْـمَه واسْـتار
وُعَــصْـرَات صـــدْرِچ والألَـــم يِـطْـبَـعْها لِـجْـدار
ومـحـسن صَــدَى صـوتـه اعـتـلى والألَــم نـبـرَه
…………………………………….
(5)
واهــنــا رحــــاتچ واقِــفــه والــقُـطُـب مــكـسـور
واهـــنــا قُـطُـبـهـا ابــراحَـتِـج مــتـعـوِّد ايْــــدُور
واهـنـا الـدعـا والـمـسبحه واهـنـا الـنـبي ايـزور
واهْــنـا الـكـسـا بــيـدچ يــرفـرف عِـفّـه وُخْــدُور
واهـنـا وضُــوئِچ فــاض يِــروي الـديـن مَـجْـرى
…………………………………….
(6)
روحِچ يــيــمــه ابّـــيـــت عـــالــي دون لــبــيـوت
غَــطّـى الـجـسد نــور الـرسـاله وصــار تـابـوت
رفــعــت مــلايــك لــلـضـوى والــكــون مـكـبـوت
والــدنـيـا ســكـتـه واعــتـلاهـا نــاعــي الــمــوت
قـــبــرچ تِــعَــفّـى واعــتــلـت بــالــكـون غـــبــرَه
…………………………………….
(7)
بــعـدچ يــزهـرا الـنـاس تـنـعى ابـصـوت نِـدبـه
مــكـبـوت صــــوت الـنـاعـي بــصـدور الاحــبـه
تــقـصـد نـبـيـهـا وتـعـتـنـي وتـقـصـد الـقـربـى
بــيــن الـمـنـايـر كــــل امــلـهـا اتــشــوف قُــبّّــه
واتـــعــزِّي لــمــعـزّى واتــقـيـم اوْيــــاه ذكــــرى
…………………………………….
مـــــــــحــــــــمــــــــد ال يـــــــــــــوســــــــــــف
20 ربــــــــيــــــــع الــــــثـــــانـــــي 1443 هـ
25 نــــــــــــوفـــــــــــمـــــــــــبـــــــــــر 2021
