………………………………………..
اه اعلى الحسن نوحوا .. من لزيارته اتروحوا
آية قبره لصلاح
………………………………………..
(1)
خويه قضّت ايامه .. مسموم الحسن راح
ظلمه البيت بغيابه .. وجهه نوره مصباح
طول الليل مانامه .. سلّم امره وارتاح
چبدك يالحسن دامي .. سم الجعده جرّاح
قوموا يا الله ندبونه .. بيت الجعده سمُّونه
بيت الهاشمي انياح
………………………………………..
(2)
من بعد الصلح قامت .. تتعدى الخوارج
لنها تعتقد لسلام .. من فكر السواذج
تنهج بالكفر واتريد .. للفتنه مخارج
تقرا اتفسر القرآن .. من جهل المناهج
صعبه هالفكر يسمع .. ليها بالدمع مطمع
دمعه ابعين تمساح
………………………………………..
(3)
طاير بالمدينه ايحوم .. من طير المنايا
عالي من سماه ايريد .. بيت اهل الهدايه
يخفق بالجناح الباب .. يعلن عن خفايا
عد بيت الحسن ينده .. جيتك من سمايه
امر امن السما هاليوم .. يقضيها الحسن مسموم
بفراش المرض طاح
………………………………………..
(4)
باتت بالأسى تنعاه .. كل دور المدينه
ولفقد الحسن زينب .. مفجوعه اوحزينه
متفطر قلب لحسين .. متشعب ونينه
ولقاسم لزم للدار .. يبچي الحسن وينه
بان اوبالحزن قلبه .. جمره اونبضته صعبه
صغره يحمل اتراح
……………………………………
(5)
حسين امن الغسل شاله .. صب ابغسله كافور
يبچي ابصوت والونّه .. دمه ابنعشه مهدور
لفه بالچفن تالي .. شيّع نعشه للدور
تالي يسمع الحنّه .. داري عنها معذور
حِلفت لرمي نبلاتي .. صوب النعش جولاتي
صاب المجتبى اجراح
………………………………………..
(6)
جابه للبقيع ابحال .. شاف ابنعشه نشاب جر ويلي عليه ونه .. جسم المجتبى انصاب
راحت للزچيه اتنوح.. زينب تنعى لمصاب
لبست ثوب للزهرا .. نفس الثوب واحجاب
جلست تصرخ ابآه .. مات الحسن ويلاه
قضّى عمره وارتاح
………………………………………..
(7)
من مثلك سبط موجود .. امُّه من محمد
يا سيد شباب الناس .. بالجنه تِلَحَّد
خويه يا كريم البيت .. نفس الخارجي رد
نفس اللي قتل حيدر .. وابْسَمّك ترصد
حيدر هامته ابطبره .. وانت يا الحسن عصره
چبدك بالطشت ساح
………………………………………..
ابو مصطفى ال يوسف
6 صفر 1440 هـ
16 اكتوبر 2018
