فـــي رحــيـل ام الـصـبـر الـسـيدة زيـنـب
ابــنـة امــيـر الـمـؤمـنين عــلـي ابــن ابــي
طــــــالـــــب عـــلــيــهــمــا الــــــســـــلام.
……………………………………………
انْــسـدل لِـسـتـار عـــن فــصـل الـمـصايب
الــيـوم آخَـــر دمــعـه مــن جـفـن الـعـقيله
تــسـكـت الــونّــه بَــعَــد فَــقْــد الـحـبـايـب
الــيـوم تـسـكـت ونّـــه مـــن زيــنـب ثـقـيله
وقّـفَـت عــن شـيـب راسِــه الـشعر شـايب
الــيــوم يــرجـع اســـود ابــمـوت الـجـلـيله
مـــن صُـغُـرْهـا اتـحـمـلت عُـظْـم الـنـوايب
الــيـوم تـشـبـه فـاطـمـه وصـــارت نـحـيـله
مـــن جَــمُـر لـحـزان مـنـها الـقـلب ذايــب
الـــيــوم تُـــبْــرِد جـــمــره ويّــاهــا نــزيـلَـه
قــاسـت اهــمـوم الــبـلا ابـذبـح الاطـايـب
الــيـوم يـسـكـن كـــل الــم اذّى الـفـضيله
كـــــل صـــبــر آيــاتـهـا ايــرتــل نــــوادب
الــيــوم نــامــت نــومــة الــمــوت الـطـويـله
ودّعـــــت دنــيـتـنـا زيـــنــة بــيــت غــالــب
الـــيـــوم نــفــقــد روح بــضــعـه لـلـبـتـولـه
شــالـت إرمـــاد الـخـيَـم نِـحْـلَـتِه الـغـايـب
الــيـوم صـــار ابـدمـعـتة الـمـهـدي يـهـيـله
جــسّــدت كــــل كــربـلا ابــكـل الـمـذاهِـب
الــيــوم كــلـمـة فــاجـعـه ابـحـقـهـا قـلـيـله
صـوتـها اعـلـى الـتـله تـسـمعها الـكـتايب
الــيــوم حَـــد تـلـتـها بـسـيـوف الـصـقـيله
جـــدَّد احــجـاب الـسـبـي هَـــم الـخـرايب
الــيــوم بـحـجـاب الـسـمـا زيــنـب ظَـلـيـلَه
وصّـــت ابـــدار الـكـفـيل ابـدمـع ســاچب
الـــيــوم مــــدّت إيــيــد لـلـمـهـدي كـفـيـلَـه
ســلَّـمَـت كــــل كــربـلا لـلـوصـي الـنـائـب
الـــيــوم يِــفـتـح ثــــار لــنـفـوس الـقـتـيـلَه
مـــــا إلــيــنـا ادروب بَـــعْــدْ ام الـمـنـاقِـب
الــيـوم مــاكـو ادروب عـــن زيــنـب بـديـله
الــيـوم مــسـدود الــدَّرُب والـظُـلُم حـاجِـب
ابـجـاهچ ام عــون افـتـحي درب الـوسيله
……………………………………………
مـــــــحـــــــمـــــــد ال يـــــــــــوســــــــــف
15 رجـــــــــــــــــــــــــــــــــــب 1443 هـ
16 فـــــــــــــبــــــــــــرايــــــــــــر 2022
