فـــي ولادة الامـــام الــجـواد عـلـيـه الـسـلام.
يــــوم الــسـعـاده احــتـفـى والــدعـوه لـلـحـور
شــهــر الــرجــب فــيــه ولادة جــــود لـشـهـور
(1)
طـيـري اعـلـى داري ابــورد .. مـيلاد لـحباب
شــبّــي الـشـمـع لـلـضـوا بـكـتـب لچ اكــتـاب
كـلـمـا كـتـبـت الـشـعـر شــفـت الـشـمـع ذاب
روحـــي الـمـديـنه ابـعـجـل وانـتـظـري لـجـواب
قــــــالـــــت قــــــــــرا اكــــتـــابـــك عــــلـــيّـــه
يـــــــقـــــــرا الــــتــــهـــانـــي والــــتــــحـــيـــه
كـلـمـاتـك الــلــي ابـكـتـابـك تــسـطـع ابــنـور
(2)
مــحـلاتـه شِــفـتـه ابـشـغـف يـفـتـح خـطـابـك
صـلّـى اعـلـى الــه وقــرا كــل شــي ابـكتابك
كـــــل مـــــا يُــمُــر ابــذكــر يــجــزل ثــوابــك
كِــشــفـت ابـــيــوت الــشـعـر طــيـنـة تــرابــك
شِــــفـــتـــه تــــبـــســـم مــــــــــن قـــــراهـــــا
فـــــرحــــه وعـــــلــــى الـــوجـــنـــه اراهــــــــا
والـطـيـنـه خــطّــت حــروفــك فــــوق لـسـطـور
(3)
غـــنّــى الــحــمـام ابـهـديـلـه وغــــرد الــطـيـر
والــغـيـمـه هـــلّــت ثــجـاجـه وهــلّــت الــخـيـر
والــشــوق طــــار ابـجـنـاحُه وعــجّـل الـسـيـر
وارتــفـعـت ابــصــوت كـنـايـس دقّـــت الــدّيـر
والـــــكـــــل عـــــلـــــى الـــمـــولـــد عـــيـــونـــه
والــــطــــيـــر غــــــــــرّد كــــــــــل فــــنـــونـــه
وارتــفـعـت ابــكــل الــمــآذن فــرحـه واســـرور
(4)
مـشـعـل مـــن الــنـور ســطـع بــرض الـمـدينه
بـالـفـلـك تــسـبـح كــــل ســفــن طــــه نـبـيـنا
والــنــور مــــن نــــور تـجـلّـى ابــكـل سـفـيـنه
ولــشـمـس لـشـمـوس جـــرى جـــود ابـمـعـينه
كــــــــــل الـــســـفـــن تـــســـبـــح لـــجــلــهــم
بــــالـــكـــون كــــــــــل لــــنـــهـــار الـــــهـــــم
والـيـوم مـجـرى الـسـفن حــول الـرضا ايـدور
(5)
عــاشـر رجـــب مـــن شــروقـه يــبـزغ الـجـود
غـــابــت الايـــــام عــلـيـنـا وســـــور لـــحــدود
نــتــمــنّـى بـالـكـاظـمـيـه ازيـــارتـــه انـــعـــود
تُـــفـــرج الابـــــواب ونــكــسـر كـــــلِّ لــقــيـود
مـــــــــــا يـــنـــغــلــق والـــــجـــــود بـــــابـــــه
مـــــــــن جــــــــوده تــــتــــروى الــســحــابــه
تــنـزل ابــكـل خـيـر عـلـينا وتـشـفى لـصـدور
(6)
وابــرجـب لـشـهـور وجـــب لِـبـن الـرضـا عـيـد
واحــنــا عـلـيـنـا الــفــرض واجــــب الـتـخـليد
واعــلــى الــبـلابـل فــــرُض واجـــب الـتـغـريد
ايّـــامــنــا ابــهــالـفـرح واعــمــارنــا اتـــزيـــد
هــــــــــذا الــــحـــفـــل لـــيـــهـــم ســـــيــــاده
واحـــــنــــا الـــعـــمـــر لـــيـــنـــا ابــــزيــــاده
والــمــحـفـل الــصــاحــب الــمــيــلاد مـــذخــور
مـــــحــــمــــد آل يـــــــوســــــف – 1444 هـ
