فــي ذكــرى مـيلاد صـاحب الـعصر والـزمان
عــجـل الله تـعـالـى فــرجـه الـشـريف وسـهّـل
مخرجه.
احـنـا مــن نـنـدب .. كــل شــي فـيـنا اتـعب
تـعـبـنا مـــو تــعـب انَّـــه.. مـــن تــعـب حــب
(1)
كَــنّــا نــسـمـع تــهـانـي فـيـهـا نـغـمـة حُـــب
عـالـشـجـر خــلــي بــلـبـل يــصـدح ويــطـرب
والــشّـمِـس خــلـهـا بــيــدك عــنّــا لا تــغــرب
وارفـــــع ابـــجــودك الــمــا قــبــل لا يِــنـضُـب
غـــرّبــت شــمـسـك .. لــيــش مــــا تِــشــرق
جــــمـــره بــغــيــابـك .. غــيــبــتـك تِـــحـــرق
دبــعـاعـد جــمـرّتـك عــنّــا .. قــــرّب الــحُــب
(2)
يــــا ســعـدنـا ابــظـهـورك والــعـدالـه اتــهــل
دلــنــا نــنـظـر مــكـانـك ويـــن كــنـت اتــحـل
مِــــن نَــسَــج لــــك ردائُــــك مــنـهـو لِـمـفَـصّل
خــيــمـة الــنـدبـه فــيـهـا كــــم مــلــك يــنــزل
نــحــتـري نــســمـع .. كـــــل خـــبــر عــنّــك
بـــالـــصُّــور كــــنّــــا .. نـــقـــتــرب مــــنّـــك
مــكـانـك جــنّـه مـــن جــنّـه .. جــنّـة الــحـب
(3)
كـــــم عـــــدد لـلـمـحـافـل جـــيــت يـــالأزهــر
مــــن مــكـان الإقــامـه كـــم بــحـر كـــم بـــر
مـــن تــجـي فـــي الـمـجـالس تـبـتـسم تــقـدر
والــحـفـل لــونـه زاهـــي يــزهـي بـــك اكــثـر
صـــــورة الـمـحـفـل .. تــبـقـى لــــك ذكــــرى
جــــالـــس وتـــســمــع .. مــــولـــدك نـــقـــرا
مــحــافـل لــيــهـا نـتـعـنّـا .. عُــنــوة الــحُــب
(4)
هـــب هـــوى الــحـب عـلـيـنا واحـنـا احـبـابك
نــنــتـظـر كـــنّـــا تـــرجـــع وانــفــتـح بـــابــك
مــــا جـلـسـنـا ابــوجــودك نـعـمـل احـسـابـك
گلـــنــا يــمـكـن نــشـوفـك يـنـتـهـي اغــيـابـك
دارك انـــفــتــحــت .. والامـــــــــل هـــبـــنـــا
نِــــأمَــــل اوجـــــــودك .. قـــمــنــا قـــرّبــنــا
امـــانــي قـــرّبــت مـــنّــا .. أُمْــنــيـة حُـــــب
(5)
رد تــــرانـــا تــعــبــنـا والــــظـــروف اتــــهِـــد
شـــيــل عـــنّــا الــمــآسـي كــافــي لا تــبـعـد
مــــــن غــيــابــك فــهـمـنـا نــنـتـظـر وانـــعــد
والــفِـتـن مــــن تـجـيـنـا بــــاب لـيـهـا انــسـد
مــــــــن تــعــدلــهــا .. ســــاعـــة الــمــطــلـع
ســـهّــلــت ظـــرفـــك .. والـــوقـــت اســــــرع
طـلـوعـك يـالـولـي ايـهـمـنا .. مـطـلـع الـحُـب
(6)
مـــولـــدك حــــــل عــلــيـنـا هـــــذا مــيــعـادِه
هـــــــذا تـــوقــيــت الــــهـــي الله لــــــك راده
بــاقــي نــسـمـع خــروجــك نــعــرف ابــعـادِه
كـــل شـــي يـحـيي ظـهـورك يِـسْـهَل اعْــدَادِه
لـــلـــفــرج لـــحــظــه .. نــعــتــقـد ســـهــلــه
الله يـــكــتــبــهــا .. تـــنـــتــهــي الـــمـــهــلــه
وتـــبــدا مــهــلـه نـتـمـنّـى .. مُــهـلـة الــحُــب
مـــــحــــمــــد آل يـــــــوســــــف – 1445 هـ
