في مولد الامام العسكري عليه السلام.
وزن صلو على احمد
مستفعلاتن مفاعيلن مفاعيلن
_________________________
نحيي حفلنا .. نعيد الذكرى ما ننسى .. نحيي حفلنا
حبك حملنا .. مكان الفرحه والونسه .. حبك حملنا
_________________________
(1)
مولد امامي .. فيه الرحمه والنعمه
نسل التهامي .. يوقد بالسما نجمَه
حبّي ابسلامي .. قلبي يرسم البسمه
صار التزامي .. احيي مولد العصمه
يجمع شملنا .. نور القمره والشمسه .. يجمع شملنا
_________________________
(2)
للدنيا لاحت .. فرحه وكانت ابحيره
شمعتنا ضوّت .. ملامح لينا تبشيره
للدين لِمعت .. كواكب للقمر جيره
بالفطره تِبعت .. قلوب الشيعه هالسيره
فُرحت مُقلنا .. دمعه ابفرحه مِتْلَبْسه .. فُرحت مُقلنا
_________________________
(3)
معنى التحيّه .. صلاة اعلى النبي تِعلى
صعدت مضيّه .. تِعلّت تنظر القبله
طَيْبَه ونديّه .. هبّت نَسمة المولى
حلوه وبهيّه .. حِسِنها للمقل كحله
صلّت قبلنا .. سكان السما ابهمسه .. صلّت قبلنا
_________________________
(4)
هذي الولاده .. علاقه تربط المهدي
حفل السياده .. بيعه واجب انأدي
ورده العباده .. اثرها ابكل قلب وردي
للامه نادى .. بدايه للفرج عِدّي
تظهر سألنا .. عنّا البهجه مِنْحِبْسه .. تظهر سألنا
_________________________
(5)
نبرة فرحنا .. معاني للامل نِقصد
ننشد صَدَحنا .. ولايه ابكل قلب نِنشد
موعد فَتِحْنا .. كثر ما نطلبه يِبعد
يبرى جُرُحنا .. اذا يِتقرّب الموعد
موعد وصلنا .. تفتح باب متَّرْسَه .. موعد وصلنا
_________________________
(6)
تفرح له مهجه .. اذا للعسكري نُوصَل
يثبت له حُجَّه .. اصوله بالسما امسجّل
تنزل له ثجه .. وحي من عالي تتنزل
تشرق له بلجه .. ضواها يشبه المُرسل
يوحي املنا .. سادس بالكسا الخمسه .. يوحي املنا
_________________________
محمد آل يوسف - 1447 هـ
