في حق القاسم ابن الحسن سلام الله عليهم
……………………………………………
لو سأل عن عمري عمي
رخصه ما يقبلها يَمِّي
جاسم ابثامن محرم .. عدّل اسنينه
……………………………………………
(1)
راح جاسم يحچي لُمُّه .. يمّه سمعيني
بلبس اثياب الحريبه .. وانتي شجعيني
احسين عمي من يطلبچ .. رخصه رِخصيني
صغر سني لا يمنعچ .. يمّه كبريني
سهلي يا يمه المهمه .. قولي جاسم بَمُر عمّه
رخصتچ تاج اعلى راسي .. وانتي حطينه
……………………………………………
(2)
خَلْني اسولف لچ ييمّه .. ابروحتى لحسين
عمّي ينظر وجهي مرّه ..اودمعته اعلى العين
مرّه ينظر بيدي يمسح .. راحت اليديين
يخفي حزنه اوكنت اشوفه .. اييده عالخدين
لو افصّل لچ ييمه .. دمعته تكشف لي همّه
كل حنان الدنيا يمه .. ابلمسة ايديينه
……………………………………………
(3)
من سألني عمّي يمّه .. قمت انا احچي له
ويش يعني الموت عندك .. عطني تحليله
قلت اله القرآن ناطق .. وانت ترتيله
للشهاده الموت لذّه .. فييك تأويله
صار يتبسم ييمه .. وانكشف عن عمي همه
واختلط بالفرحه دمعه .. اوصارن ابعيينه
……………………………………………
(4)
وَادع امه اوقام يمشي .. واطلعت خلفه
جاسمي يانور عيني .. نادته اتْحَلْفَه
من سمعها اودار ليها .. حضنته ابلهفه
للحسن بلِّغ سلامي .. اوقبله ابكفه
لو سأل عن حالي گِل لِه .. صارت ابحيرتها رمله
ودعتها ابقلب ذايب .. بويه تبچينه
……………………………………………
(5)
يمشي جاسم خطوه خطوه .. والنظر دارُه
بين ما هو ينظر امّه .. حارت افكارُه
يسمع الواعي ينادي .. يندب انصاره
قام يسرع صوب عمّه .. بييده بتاره
يِرْعد ابيمناه سيفه .. بالحرب يمشي اعلى كيفه
جندل الابطال جاسم .. نصرته الدينه
……………………………………………
(6)
نامت اعيون الجبانه .. ابليلها ولنهار
لمّن الازدي تعدّى .. عالفتى المغوار
صابه وابسيف المنيه .. فوق هامه اختار
فاض دم الهامه يجري .. عالوجن مدرار
نادى بدركني يعمي .. سال فوق الراس دمي
جابه للخيمه اوينادي .. جرحه شديينه
……………………………………………
(7)
سطّر الجاسم ملاحم .. عاشر ابعاشور
حمل بتاره اوتصدى .. للظلم والجور
شيّعو الجاسم يشيعه .. والطمو لصدور
باركو هاليوم رمله .. والحسن مسرور
حاز يا رمله ابجهاده .. نال جاسم هالشهاده
جاسم ابثامن محرم .. صار تأبيينه
……………………………………………
ابو مصطفى ال يوسف
24 ذو القعدة 1440 هـ
25 اغسطس 2019
