في عيد الغدير الاغر بتنصيب الامام علي عليه السلام وليَا.
فائزي
………………………………………..
عيد الغدير عيد الغدير
حيدره يتنصب امير
………………………………………..
(1)
عند الغدير اتوقفت للهادي لسفار
وحي الله نازل بالأمُر وابإييده لخبار
عنده رساله امن السما بلَّغ المختار
نصُّب امير اعلى البشر حيدر الكرار
لم نزل وقت الهجير .. بلَّغ امُر كلش خطير
………………………………………..
(2)
لمّا اكتمل خير العمل نِزْلت به آيات
ما يكتمل الا ابرسم ختم الرسالات
عند النبي ختم الولايه والعبادات
بصمة علي ابأييد النبي ختم الديانات
يرفعها للعالي ويِشير .. إييد الوصي إييد البشير
………………………………………..
(3)
يرفَع إبييده المصطفى اييد الولايه
خُم عانقت شمس العلا شمس الهدايه
تنصيب حيدر عالملا ويقراها آيه
وانحفظت ابكل الكتب صارت روايه
حيدر ابهالمنصب جدير .. يحمي النفِس يطعم فقير
………………………………………..
(4)
كمّل الاسلام الإله بسمك يبو حسين
صرت الوصي صرت المتمم نعمة الدين
نور الولاية ظل يشع مابين لثنين
بين النبي وبين الوصي والد السبطين
حيدر ولا مثله يصير .. يكفل طفل يعتق اسير
………………………………………..
(5)
اوّل ملايكة السما صافحت طه
من بعده تالي صافحت حيدر اخاها
مبروك يا نِعم الولي ابسمة شفاها
تنظر خجل من هيبته تنظر عُلاها
حيدر يصافح كل وزير .. نازل ملَك نازل سفير
………………………………………..
(6)
تبليغ امر الله ابعلي اصعب مهمّه
والآيه كانت واضحه وبلِّغ الأُمَّه
تمم يطه بعثتك صرّح ابإسمه
دونه الرساله ناقصه وبالدين ثلمه
الله الحافظ والنصير ..بلّغ أمُر ماله نظير
………………………………………..
(7)
منظر التنصيب اكتمل بصعب مهمات
حول النبي التفت ملايكة السماوات
جبريل خلفه بالوحي عد الشهادات
صافح علي ويّا النبي واعتلت لصوات
الف الصلاة اعلى البشير .. واتنصّب المولى امير
………………………………………..
ابو مصطفى ال يوسف
18ذو الحجة 1441 هـ 7أغسطس 2020
