…………………………………………….
المستهل
بس هاالباب يابويه ظلمني الباب
تِعَذّر ما حماني ابهجمة الاصحاب
…………………………………………….
(1)
يا باب الهضيمه الما رحم حالي
ياباب اليقصده المصطفى الغالي
قلت اليوم بابي للستر عالي
اتعذر من سمعني اوينكر اقوالي
سبّب لي جرح لليوم ماظن طاب
بس هالباب يابويه ظلمني الباب
…………………………………………….
(2)
بابي دون كل لبواب يا نجّار
صح انتَ حطبته من جدع لشجار
بس بابي سمرته ليش بالمسمار
تدري وشجرى ابهذا عليّه اوصار
سبب لي الالم مسمار في الاخشاب
بس هالباب يابويه ظلمني الباب
…………………………………………….
(3)
يبويه من تجي للدار نعلم بيك
يبوس الباب ايدك يالنبي ايحييك
لكن مره صار الباب ما ايحاچيك
مو طبع الخشب من تلمسه ايأذيك
لدت خلفه يبويه للستر واحجاب
بس هالباب يابويه ظلمني الباب
…………………………………………….
(4)
مو طبعَك يباب الزهرا تتعذر
تِلُوذ ام الحسن خلفك ولا تقدر
عذرك چان لاذت بالبطل حيدر
شالع باب هم هادم حصن خيبر
موجود البطل موجود ليث الغاب
بس هالباب يابويه ظلمني الباب
…………………………………………….
(5)
اذا موجود حيدر بسأل احواله
رد قرص الشمس ما ننكر افعاله
نايم بالعباده اويقضي اعماله
يعني الباب لمّن فتح ما جاله
لانْ وقت العباده حيدره ينصاب
بس هالباب يابويه ظلمني الباب
…………………………………………….
(6)
اتعدى احدوده من جا الباب صبحيّه
يدري ابحيدره المعصومه محميّه
يدري حيدره صلّى وقرا النيّه
يدري هم بعد حيدر لِهْ اوصيّه
يعني اللي هجم ياباب مو مرتاب
بس هالباب يابويه ظلمني الباب
…………………………………………….
(7)
سر فقّار حيدر والله بس اخفاه
واخفى اعلى الزچيه يا علي امناداه
تعلم فاطمه من صلّى ما تنخاه
حيدر لو زعل يزعل ترى امصلاه
ضج الكون حيدر ماسمع ياياب
بس هالباب يابويه ظلمني الباب
…………………………………………….
ابو مصطفى ال يوسف
30 جمادى الاولى 1439 هـ
16 فبراير 2018
