في مصاب النبي الاكرم صلى الله عليه واله وسلم
………………………………………..
ما رعوها .. وهضموها
ما كفاهم كسر ضلع الفاطميه
………………………………………..
(1)
رحمه نور الهادي عالامّه تِفضّل
والفدك الله امر للزهرا يِنْحَل
مات تالي المصطفى اوكلشي تبدّل
ولإرث في مصحف الباري تِعدّل
من حقدهم .. كل شي ضدهم
ولوحي شاهد على هذي القضيه
………………………………………..
(2)
فاطمه ابوجه الملايك صفحه تقرا
كل مَلَك نازل ايعظم حيدر اجره
ولحزن طابع على الوجنات حسره
كلها تِنْعَى المصطفى وِنْعِي يزهرا
تقرا صفحات .. قصه بالذات
فصلت لحداث عد باب الزچيه
………………………………………..
(3)
بين ما بالباب طارق يا مسلمين
راحت الزهرا تنشده جَيَّتَك وين
قال فِتحي الباب يا خير النساوين
قاصد المختار وآنا صاحب البين
لحظه قالت .. واستدارت
نُظرت ابوجه الرساله الاحمديه
………………………………………..
(4)
كل ظروف اللي تحيط الدار صعبه
والنبي ابحاله شديده اويدعي ربه
بُمَّتي تلطف يربي منّي طِلْبَه
يدري حول الدار كلها ادياب وثبى
وابرحيله .. تعتني له
بالهجر تنعت نبيها المفتريه
………………………………………..
(5)
عالَم الدنيا صُبَح دون العوالم
من طلبچ المصطفى اوضمچ يفاطم
يا ابنتي بوداعة الله اودَمْعِه ساجم
دِمعة اعيون السما ابعين الهواشم
ساعة النوح .. صعدت الروح
مات طه واستعدي للرزيه
………………………………………..
(6)
من صعد بالروح واتعدى سماها
صرخة الزهرا على طه يطه
دوّت الافلاك هالصرخه مداها
دار عصف الريح بالجنه رحاها
ظلت ادّور .. هزت الطور
صَرخت الزهرا على خير البربه
………………………………………..
(7)
زلزل العالم فقِد اعظم رساله
بعد فقده يرتحل وحي الجلاله
ينهمر ماي السما وقت اغتساله
من يكفنِه حيدره يِِخْفَى جماله
من يشيعوه .. وهله ينعوه
وين شايل يا جمال الهاشميه
………………………………………..
ابو مصطفى ال يوسف
9 ربيع الثاني 1440 هـ
16ديسمبر 2018
