في وفاة الامام علي عليه السلام.
………………………………………..
ضربه والدم المسفوح .. مكتوبه ابْعَرِش واللوح
يقول المرتضى هالضربه مذخوره
………………………………………..
(1)
حلم عند المرادي اوراد تفصيله
اجاه ابنومته الطوفان هالليله
قطام اتراوده اوصارت تغني له
سيف ابسم نجيع ابإيدها اتشيله
قالت هالحلم آنه .. دم بالسيف طوفانه
اخذ منها الحُسام ابّحاله مسروره
………………………………………..
(2)
يقلها يا قطام اشلون شفتيني
تقلِّه الشّر اشوفه ابعينك اوعيني
يقلها والوعد هاللي وعدتيني
تقلِّه وعدك انت اليوم وفِّيني
تقلِّه تطبر الكرار .. يِقِلْهَا هالأمر لو صار
تصير الدنيا تالي اعلينا مخطوره
………………………………………..
(3)
مضى ابسيفه الرجس يتعنى للمسجد
صارت ليلة التاسع عشر موعد
قلبه امن حقد هالجاهلي مجْحِد
قتل المرتضى بس نيته يقصد
بن ملجم وقت لآذان .. نايم نومة الشيطان
يصحى من علي يقرا القَدِر سوره
………………………………………..
(4)
صلاة المرتضى من سمعته كبّر
نادت يا علي مهلك علي اتصبّر
أسْمَع صوت ينعى چنه عالمنبر
حيدر وابصلاته اليوم يطّبّر
حيدر بالصلاة ايصير .. ادّى النية والتكبير
ليله امن القدر والليله مقدوره
………………………………………..
(5)
حيدر بالشدايد ما هوى ابْرَدَّه
بس يهوي ابصلاته ساعة السجده
علي من صار ساجد ما رفع بعده
لمرادي ابسجود المرتضى اتعدى
شق بالسيف لعمامه .. وصلت طبرته الهامه
جبريل اقترب لَلْهامه مطبوره
………………………………………..
(6)
علي لو دامت الايام له ساعه
عِلْمه بالصدر يكشفها لتباعه
يتغيّر زمنّا اويصلح اوضاعه
يشفى امن العلل واطّيب اوجاعه
سلُوني اشّر الصدره .. حيدر ينقضي عمره
يرحل والعِلم صدر الوصي ابحُوره
………………………………………..
(7)
يا شهر العباده المرتضى اشآذاك
ساجد بالعباده يزهي بِمْصلاك
وانت ياقَدَر للمرتضى اشوداك
يَتّمت اليتامى اوحزّنِت لفلاك
وحشه اعلى النجف والصوم .. اه اعليك يا جيددوم
محشر بالسما بس خاليه دُوره
………………………………………..
ابو مصطفى ال يوسف
2 رمضان 1439 هـ
18مايو 2018
