فـــي مــولـد الأمـــام الـحـسـين عـلـيـه الــسـلام.
………………………………………..
مـــــن اي بــــاب .. ابــــدى افــصــول الــمـيـلاد
بـــيــدي اكـــتــاب .. فــرحــه ابِّــيــت الاســيــاد
تـشرق مـن بـابه الانـوار .. بـيت الـزهرا والكرار
………………………………………..
(1)
شــعـبـان فــيــه الـبـهـجـه فــيـه الــنـاس صــيَّـام
وُصْـيـامـنـا عـــن كـــل حـــزِن اوجَــبِـه الإســـلام
هـــــذا الـــفــرح لــيــنـا عــبــاده ابــكــل لــعــوام
بــحـسـيـن شــعــبـان احــتــفـل ثـــالــث الأيّـــــام
صــــــــوم الــــيـــوم .. اوّل اعــــيـــاد الــــحـــب
بـــــو الـحـسـنـيـن .. واقـــــف بِــيِــنـا ايْـــرَحُــب
لـلفرحه تـجذبنا الـدّار .. تـشرُق مـن وجْه الكرار
………………………………………..
(2)
حــــل الــنـبـي دار الــوصـي واسـتـبـشر الــنـور
شـــاف الــزَّچيـه تـبـتـسم مـــن حـولـهـا اطــيـور
تِــحْــمِـل بــيـديـهـا ســـيّــد الــجــنّـات مــســرور
اتــنــاول حـبـيـبـه الـمـصـطـفى وغــــرَّدت لـطـيـور
بـــــالأنــــوار .. غـــــــــرّد طـــــيــــر الـــــــــوادي
شـــــاف الايـــيــد .. شــالــت ســبــط الــهــادي
يـحمل لـلهادي الاخـبار .. والفرحه ابوجه الكرار
………………………………………..
(3)
ارض الــمـديـنـه اطَّــيَّـبَـت مــــن مــهَــدْ لـحـسـيـن
فــــاح ابــعُـطُـر وصّــــل مــــدى كـــل الـبـلاديـن
اسـتـبشر مَـلَـك يِـطلب الـرُّخصه امـن الـسلاطين
فــطــرس نــــزل مــــن جــنـتِّـه الـبـيـت الـمـيـامين
ســــلّـــم قــــــال .. داوي ابــمــهــده جـــرحـــي
لـــيـــت ايــطــيــب .. جــــــرح الأذى جــنــحــي
آذَن لُـك جـدِّه الـمختار .. مِـد جِـنْحُك لِـبْن الكرَّار
………………………………………..
(4)
اهــــــل الــمــلامــه ويْــنُــهــم عــــــن هـالـمـحـافِـل
خَـــــل يِــسْــرُعـو لا يــنـغـلُـق بـــــاب الأفــاضــل
بــــاب الــفــرح لــيـهـم فــــرَج والــخـبـر عــاجــل
لا يــنْــتُــظُـر خــــلّـــص تـــــــرى زاد الــقــوافِــل
مــــــن هــالــبـاب .. يـــبــدا اصـــــراط الأمـــــه
بــــــالأفـــــراح .. يــــضـــمـــن زاد الـــنِّـــعــمــه
كل حاضر ياخذ تذكار .. نِعمه من يَمْنَى الكرار
………………………………………..
(5)
لـــو يـنـكـشِف لـيـنـا الـغَـطـا ابـنـسْـمع مـعـاجـز
كــــل نــبـي ومــرسـل بـالـحـفِل يـلـقِـي الـمـراجـز
مــحـفـل حــضــورُه ابـــلا هــويـه ابـــلا حــواجـز
والــكــون مــــن كــــل الـمـقـاعـد صــــار حــاجِـز
كـــــل مـــرســول .. حـــاجــز افـــضــل مــقـعـد
والأمـــــــــــــلاك .. لـــلـــحـــاضـــر تــــــتــــــودَّد
والـمسرح ضج ابلَشْعار .. كل بيت ابمدح الكرار
………………………………………..
(6)
مــسـتـأنِـسـه ام الــحــســن والـــحــور عِــنْــدهـا
مـــريـــم تـــراهـــا ام نـــبــي وتِـــخــدم ولـــدهــا
لــعـيـاء مــــن حِــسْـن الـنـظـر لـحـسـين شــدهـا
قُــطْــفـت مـــــن الــجــنّـه ورِد مــحــلـى ورِدهــــا
اجـــمـــل حــــــور .. لــعــيــاء هــــــزّت مـــهــدِه
ام احـــســيــن .. تِـــمْــســح بـــسْــمــة خـــــــدِّه
والـجنتها لعيا صار .. تِسْمَع وصف امن الكرار
………………………………………..
(7)
هــلــهــولـه لــلــمـولـد قَــــــرَب والـــكـــل يـــبـــادُر
هـلـهـولـه تِــصـدح عـالـنـبي اتْـصَـلِّـي الـحـنـاجُر
مــــن نــقــرا بـالـسـيـره انــولــد نــــور الـمـفـاخُـر
فــطــرتـنـا نـــفــرَح لــلــفـرح والـــبــاري فـــاطُــر
بــــالإجـــلال .. نُــــوقَـــف واحــــنـــا انْــصَــلِّــي
الله ايْــــعـــيـــد .. هــــالـــذِّكـــرى وانــــحَـــلِّـــي
نـتبارك بـحلى الأثـمار .. مـن مـولود ابـن الكرار
………………………………………..
مـــــــــحـــــــــمـــــــــد ال يــــــــــــــوســـــــــــــف
26 رجـــــــــــــــــــــــــــــــــــــــــــــــب 1443 هـ
27 فـــــــــــــــــبــــــــــــــــرايــــــــــــــــر 2022
