فـــي حــق الـحـجة بــن الـحـسن عـجّـل
الله فــرجَـه الـشـريـف وسـهّـل مـخـرجه.
ابـيـات تـصـويرية لأثــر وجــود الـمـنتظر
واثــــــرهـــــا عــــــلـــــى الـــبـــشــريــة.
………………………………………….
بــيـن طـلـعـات الـشـمِـس يـسـطـع قـمـر
يـنـتشر يـضـوي الـسـما وكــل الـفـضاء
تــرســم امـــواج الـبـحـر لــوحـة جــمـال
مـن أفُــق قــرص الـقـمــر صـورة ضــياء
صــفــوة الــمــاي وصَــفَـا نـــور الــبـدور
مــــا ايْــعُـرفُـه غــيــر عــالِــم بـالـصـفـاء
يِــنـقـرا واضـــح مــثـل شــمـس الـنـهـار
مــــــا تــغـطـيـهـا الــغـرابـيـل ابــغــطـاء
حَـــدْبـــة الامـــــواج تــتــلالـى وتــســيـر
يـنـبـعـث مــنـهـا نــغــم صـــوت الــرخـاء
لـــــو نــمــررهـا عــلــى الاوتــــار كــــان
تــلــبـيـة عــــــزف الـــوتـــر لــلاوصــيــاء
يـنـتـظـر بــالـشـوق عـالـشـاطـي ويَــدِيـه
تُـــغْـــرُف الــمــوجــه وتــبـادِلْـهـا الـــــولاء
ايــصـيـر بــيــن الـمـوجـه ويّـــاه ابـتـهـال
هــيَّــه تــدعـي وهـــوَّه بچفــوفـه الــدعـاء
إيــيــده لــمــواج الــبـحـر امــــن وأمـــان
والــسـفـيـنـة نــــــوح مَـــرْكـــب لــنــبـيـاء
بـصـمـة اچفــوفـه عــلـى حــوت الـبـحار
مـنـهـا كـــم يــونـس نــجـى مــن لـبـتلاء
مـــن رفـــع چَفِّـــه قَــسـم مــوج الـمـحيط
نــجّـى مــوسـى ونـــال فــرعـون الـجـزاء
طــر سـكـون الـريـح مـن مَـشْيَت خُـطاه
اتْــحَـرَّكـت هــبَّــة نـسـيـم امـــن الـــرِّدَاء
والـسـفـيـنـه لــــو خَــرَقْـهـا تــجــري دوم
لَـنّ ايـيد ابـن الـنبي لـيها كـلاء (مـرفأ)
كـــــل جُـــــدُرْ لــيـتـام يـبـنـيـها ويــعـيـد
طــوبُــهـا مــــن طــيــن كــنــز الاثــريــاء
بـيـده يـسـقي مــن صـواع الـجنّه نـاس
ويـعـطي حـنطه ويـعطي صـيده لـلشواء
يِــرْمُــح ابــأفــق الــسـمـا نـــوره الـمـبـين
تـهـدي مــاي امــن الـمُـزن سـابع سـماء
والـــرَّعَـــد صـــوتــه ابــزمــانـه لـــــلأذان
حـــيْ عــلـى ثـــار الـحـسـين ابـكـربـلاء
نـنـتـظـر شــعـبـان كــــل عــــام ونِــعِـيـد
انــعــيــد لــلــمـهـدي تــراتــيــل الــثــنـاء
لـــو يِـطُـر فـجـر الـشـمس واحـنـا نـيـام
والْــلِــقَـى بـالـمـنـتـظر يــصــبُـح قــضــاء
الله بــاقـي واحــنـا مـــا عــدنـا ضـمـان
ولــلــزَّمَــن آخِــــــر ولــلـمـهـدي الــبــقَـاء
يِـبـنـي عــالَـم مـــا يُـمُـر اعـلـى الـخـيال
كُــــــن بـــإيِــدِه عِـــــدَّة ايـــــام الــبــنـاء
قـبـل مــا ايـعـيد الـقُسُط يـبني الـنُّفُوس
ايـزيل غـبره امـن الـظلم يِـصْفَى الـهواء
اوّل اشـــــروط الــعــدالـه عــنــده دِيْــــن
يــنــقـضـي لـــمّـــن تـــتــوب الاشــقــيـاء
كـــــل شـــقــي فِــعــلـه يِــحــدد تــوبـتـه
فِــعِــل قَــتْــل احــسـيـن مــالِــه ابــريــاء
………………………………………….
مـــــــحـــــــمــــــد ال يــــــــــوســـــــــف
13 شــــــــــعــــــــــبـــــــــان 1443 هـ
16 مـــــــــــــــــــــــــــــــــــارس 2022
