………………………………….
يليلى جاچ لكبر وَسِدِينه
من زود الظما شابح ابعينه
ابهيده الراس نزفه ضمدينه
يليلى راح لكبر مِنْ ادِيْنَه
اخاف امن الضمد هم نزفه ايزيد
………………………………….
علي باودعه خلوني وياه
علي طول الدرب عيني ابمحياه
من يخفى اعلى عيني لحظه اتناه
اوداعه اشگد صعب ما اقدر انساه
زمان ابلَيّا لكبر ظني ميفيد
………………………………….
ينور العين يوليدي يالكبر
شوفك يشفي روحي وقلبي يستر
حسبت احساب عمرك يطلع اكثر
دونك هالعمر يا ليت يقْصر
بعدك يا علي هالعمر ماريد
………………………………….
قعد لحسين يم لكبر يحاچيه
يبويه العفا عالدنيا يناديه
وليلى تسمعه وياه تنعيه
يجر حسرات هم ليلى تناغيه
كل واحد صفق ايدن على اييد
………………………………….
ابو مصطفى ال يوسف
5 محرم 1439 هـ
26 سبتمبر 2017
