في وفاة الامام علي عليه السلام
……………………………………….
شيعتك تدعي القَدُر .. ليت حيدر ينتظُر
تتمنى هامك تلثمه .. اتشوف حالك بالدما
……………………………………….
(1)
هالأُوَز بالباب صيحه .. واقْفَه اتخبْرَك
اتْصيح يا كرار نوحَه .. من يطِل فَجْرَك
وقِّظ الأيتام حيدر .. نايمه ابصدرك
بالقَدُر مكتوب ليلِه .. ينقضي عُمْرَك
لا اتحس ايتام بيك .. تسمع الطبره واتجيك
من تجي متألمه .. اتشوف حالك بالدما
……………………………………….
(2)
بس علي يدري ابرحيله .. مِن نَحَلَ لِوزار
خوف حيدر لنه يدري .. بالرحيل اسرار
يلقى طه وابجاوره .. ايجاور الجبّار
والصراط اهوه اليقسمه .. بين جنه اونار
خَطُب من يرحل خطير .. بعده بالأمه يصير
تنْظرك حتى السما .. اتشوف حالك بالدما
……………………………………….
(3)
علي من يسجد سجوده .. تسجد الركعه
كل ركن صلى ابصلاته .. خلفه ظل يسعى
مو ارض وحده ابسجوده .. تسجد السبعه
والسما بسجوده تهوي .. تذرف الدمعه
الكون بِسجُودك سجد .. يعني بالضربه شهد
هالَكْوان امهدمه .. اتشوف حالك بالدما
……………………………………….
(4)
عجب هاللي رفع ايده .. اشلون قدمها
حامل ابسيف المنيه .. قُبله هدمها
والجهل بييده رسمها .. افعى صمَمْها
مرت الضربه اعلى راسك .. ينْبِعث سمها
ولأفاعي امربيه .. بييد بيت الطاغيه
هم قطام امصَمِّمَه .. اتشوف حالك بالدما
……………………………………….
(5)
وابلسان الحال اوْصِف .. من بچت زينب
من خضب شيبك يحيدر .. للوحي خضّب
والنجف من دون حيدر .. كوثره ينضب
و الوحي حس ابغيابك .. ياعلي اتغرّب
صيحه صارت بالنجف .. صوت من جرحك نزف
كلها ظلت لاطمه .. اتشوف حالك بالدما
……………………………………….
(6)
علي من يوقف يصلي .. تنسلب روحه
يبقى ساكن ما يبالي .. كثرت اجروحه
يعتلى جبريل بيها .. للسما ابنوحه تصير لهل الجنه كوكب .. تبني له اصروحه
من سجد يسمع جواب .. ولأرض بيها اضطراب
سجدتك حامي الحمى .. اتشوف حالك بالدما
……………………………………….
(7)
زلزل العالم مصابك .. وانكشف مستور
ظنّت ابقتلك تواري .. شمس الينا ادّور
ما درت نور الله اصلك .. خالُقُك من نور
كل محب بفراق حيدر .. له قلب مجمور
من توصِّل مشهدك .. اتزور لا ما تِعْبدك
تتمنى هامك سالمه .. اتشوف حالك بالدما
……………………………………….
ابو مصطفى ال يوسف
19 رمضان 1438 هـ
14 يونيو 2017
