……………………………………………..
قومي يزهرا وانصبي .. لحزان هاليوم
خلي بقيعچ واضرمي .. نيران لهموم
عرّجي يم المصطفى .. خليه يشرح موقفه
نورك يبويه لا طِفى .. قلّي بالمعلوم
……………………………………………..
(١)
ياياب خبرني اشجرى .. محزون اواسيك
جبريل جالس بالدمع .. اسْمَع يِرَجِّيك
خير الرسل خير الورى .. بالخير يِبْديك
بالباب واقف هَم ملَك .. يِطلب يِحاچيك
قَلْها يبنتي لو جرى .. حزنچ يبنتي ما اقْدَرَه
جبريل ويّاه الملَك .. بِيده المحتوم
……………………………………………..
(٢)
من راد لِيها المصطفى .. اعظم هديه
جيبوا دواة اويا كتف .. اكتب وصيه
اتقدمت قَبْلِه ابْحكم .. قالت اذيّه
يهْجِر نبينا والصُحُب .. اول رزيّه
عكس الي قالت نِعْرفه .. وحْي النبي اعظم صفه
هلْ إنْقلاب انّوصِّفه .. للدين ميْشوم
……………………………………………..
(٣)
اول وصيه الْزهرته .. سَرّها ابّئذِنْها
قََلْها يَبضعه اتأملي .. اول حِزنها
روحچ بعد كسْر الظلع .. تِصعد اظنّها
ابْناچ بالسم والقتِل .. يِسْبق دفنها
قََلْها علي عنده خبر .. ملزوم يِكتم كل اثر
بعدي يزهرا تِصعدي .. جنّة القيوم
……………………………………………..
(٤)
اتْسِرْعي للمسجد خُطى .. مقصَد تِرِيدين
اعظم كلام ابْموعظه .. وابْفدك تِبْدين
تالي الْحيدر واصفه .. ضارب ابْسيفين
للدين واضح موقفه .. طاعن ابْرمحين
بس تِسْمعچ هم مِجْحفه .. لَصْحاب عندها امْخَالَفه
عندها قرار وتِعْتلي .. منبر المعصوم
……………………………………………..
(٥)
اوصى علي يِغمد فِتن .. يِغمد البتار
يخرج امْچَتّف والقلب .. مجمور كالنار
مره ابْجمل مره ابْفتن .. مطلوب بالثّار
اصْبِر اذَى لكن يِظَل .. ذكْرك يمختار
قران تِذكر آيَتِه .. انقتل لُو من موتَتِه
تِنْقلب من بعد النبي .. والغيظ مكظوم
……………………………………………..
(٦)
اول جواب واتِسْمعه .. منهم الزهره
ما يوم واسْمعنا النبي .. يُورِث العتره
حيدر غديره بالعَمِد .. اصبح يِنِكّره
ينْكر فَدك يِمنع علي .. حقّه يِبْتره
قلْها يِعِز بنت النبي .. حقِّچ علينا تِعتبي
لصحاب ادّت لِي قَسم .. من دون مرسوم
……………………………………………..
(٧)
بعد الوصيه لِلْولي .. افْصَح نبينا
هالمَلَك بس مره اذَنْ .. للروح جينا
خيّرني اخرى واعتْلى .. جبريل ويّنا
يلْحور واقف احْتري .. تِصعد الينا
امّنتُك الله ياعلي .. هارون من موسى الِي
صَدْرچ يزهرا للحسن .. واحسين مضموم
……………………………………………..
(٨)
جبريل يصعد للسما .. صوته حِزن كان
ضجّت لْفقد المصطفى .. كل انس والجان
ويّاها املاك السما .. تِصرخ ابْلَحزان
اخر نزولي للارض .. يِخبر الرحمان
بس مره يأذَن لي ابْندا .. انْهَد ركن اه لِلْهدى
لِلعروة الوثقى انفصم .. حيدر يمظلوم
……………………………………………..
ابو مصطفى ال يوسف
٢٢ح صفر ١٤٣٧ هجري
٤ ديسمبر ٢٠١٥
