………………………………………………….
عاشور سِره يحْسين .. تِذْكره سورة مريم
ضج الملَك بِلْ آهات .. والحزن فيها خيّم
طال الزمن واتْعاليت .. قُبلهَ ضريحَك خلّيت
لجِلْ الصلاه دمك سال .. وانْتصرت النوافل
………………………………………………….
(1)
زينب تُون واتْنادي .. وين الأخَو بو فاضل
وابْها السفر يمصيوب .. صرت اذْكرك وَنَاضِل
اتذكرك واذْكُر زُود .. من تِكثَر المعاضل
ليت الّي شِفته ما چان .. لا ابقى بيه ولا ضِل
رِيتَك يخويه وصّيت .. قبل السفر ولا جِيت
من سأل عنّي بالحال .. عذري يِظَل بو فاضل
………………………………………………….
(2)
ظلينا نمشي لِبْرور .. يِلهِب لظاها احبابك
لوعه ابحزن فوق النوق .. يِبچي ركُبنا امْصابك
يِضرب نِساكُم بالسوط .. من تِنتحب لِصوابك
والعدو قاسي طبْعه .. يِمنعنا لو نِنْخابك
اضْعَف ترى لو حنّيت .. يقسي العدو لو ردّيت
تهتز عروش الظلام .. من صيحة الارامل
………………………………………………….
(3)
ما يِذْبل اربعينك .. لو صَبَح مايِه محروم
نبحث سِجلّ التاريخ .. اصل الوفاه مو معلوم
بس الولاده مكتوب .. عشرين تاريخ اليوم
وامْصّدره الشهادة .. وابْدم وريدك مختوم
بالكعبه آنا حجيت .. وبأربَعينك لبْيت
كربلا باسمك بتْصير .. تزحف إلِك قوافل
………………………………………………….
(4)
زينب رسالة تِحْمل .. من كربلا اتْحرِرْها
نهضه وحِيها من احسين .. ومْكلّفه اتْصدرها
ظعن السبي بالبلدان .. لَمّن يِمر يِنْشرها
دور النقل والاخبار .. صاير جِنِح منْبرها
كل بقعه ليها خلّيت .. تسعي قدم لاهل البيت
خالد اثرها يحسين .. تِبقى لنا شمايل
………………………………………………….
(5)
يِرْسل نبيّ الله ايّقُول .. نِخْتبره لو يتْحمل
مره تِجيه وقت النوم .. رؤيا عليْه يتأمل
مره يِجيه المرسول .. يِخبُر أمُر يِتكلم
بس مره وحده كانت .. جبريل بيها اتْألم
جبريل منِّه اتْواريت .. ظل مُعتكف عند البيت
عنده وحي ظَلْ ايحُوم .. بالسما صاعد نازل
………………………………………………….
(6)
ليش الالم يَجِبْريل .. ليش النبي جَرْ ونّه
جبريل جاب الكافور .. رمز الألَم والمِحنه
بس حصه ما نال احسين .. وعدْ الشهاده جنّه
قال النبي مني احسين .. وآنا اصِيرَن منِّه
يالمصطفى ما اتْمنيت .. لحسين ناعي ظلّيت
هِنّد ابْنسِلْها احقاد .. تِصْطف عليه جحافل
………………………………………………….
(7)
كاف وها يا عين اوصاد .. آية تِأَذّي الزهره
صَرّح بقية الله .. فيها هلاك العتره
كربلا تِدفن لِحسين .. يِعْتلي فيها صبره
عطشان ما ذاق الماي .. يِفْخر يزيد ابْنحره
حفظ الذِّكر هُمْ وصّيت .. ثار السبط واهل البيت
بين الشِرِك والايمان .. لِحْسين صار الفاصل
………………………………………………….
(8)
كل نبي رحمه لِلْقوم .. طه شمَلْهَا الأمه
كل نبي يِهزم نِمرود .. بالمعجزه والحِكمه
مُعْجز نبينا القران .. للدين اكرم نِعمه
فوق الرمح يِقرا احسين .. يَعني لحسين الرحمه
معجزه دمك خليت .. يوصل عزاك ابكل بيت
ام سَلمَه عُرفت خَبر .. شافت دِما الأفاضل
………………………………………………….
(9)
ارْجع وشوف التاريخ .. بالطّف تِشُوف التصنيف
منهو الِّذي ابعالي القوم .. عابس وهب جون ونيف
ما فرّقَتهم لَدْيان .. يِكْتب احسين التأليف
لازال نِقرا بكْتاب .. لحسين مابِه تحريف
كل دين يطلب تثبيت .. كربلا صار التوقيت
خطّك يبُو اليِّمه انسير .. لو تِكثر الَمقَاتِل
………………………………………………….
(10)
كربلا اولها احسين .. ما لِه نِهايه حَدْها
ومّن الخَلُق ملايين .. كيف احْتوت عدَدها
معجزة فيها تنظيم .. تِخفي لنا مَدَدها
خِداّم للزهرا انريد .. هالخدمه مِنْهو قدها
كل ضيف حل اتْرجِّيت .. مِّنْ اصْبَحت لين امِْسيت
مِعْيار ماله تبديل .. يِثْبِت عدم تَماثل
………………………………………………….
ابو مصطفى ال يوسف
١٦ نوفمبر ٢٠١٥
