……………………………………
علي علي ياعلي عالي ابعلاته
كل مؤمن ابهالاسم تنطق شفاته
……………………………………
(1)
ظنهم يِحِكْموك يحيدر عدهم احلام
ظل خافي حلمك عليهم تحمي لِسْلام
عاشت جهل ولعباده كانت اصنام
ظلّت على اللّات تعبْدِه تعبد اوهام
من طِيْحَت اللات هُبل يطلب نجاته
……………………………………
(2)
اصلك ذهب ياعلي والدين صنته
لبسته ثوب العلا من يوم صغته
واتراب دِسْتِه ذهب تُرْبُه عجنته
عمدان من هالذهب صارت لَبِنْتَه
والذر يكرار اخذ منّك صفاته
……………………………………
(3)
هالقلم محتار علي يرسم حروفك
كعبه يكرار اسم واحنا نطوفك
قَبْضَت الفقار فقط ترسم كفوفك
بيدك الفقار جمع جملة سيوفك
عِجْزت الاقلام تخط حرف ابحياته
……………………………………
(4)
والهادي مبعوث نبي للكون رحمه
والدين مكتوب الينا يصير نعمه
والباري للدين أمَر حيدر يتمّه
حيدر وصي المصطفى هم باب علمه
عادت شمس للوصي تمم صلاته
……………………………………
(5)
عمر ابن ود بالمعارك يمشي مرتاح
بالمعركه من يطب يحصد له ارواح
لكن المعيار تغَيّر مره وانزاح
بالخندق العامري حيدر له من راح
ضربة علي خلَّته يفقد حياته
……………………………………
(6)
محتاج تعرف علي لازم زياره
وانظر ضريحه تشع قبه اومناره
يكشف المنظور الك يرسل اشاره
حيدر الهالكون قطب يوزن مداره
وابدون حيدر علي تختل جهاته
……………………………………
(7)
عندي له اوصاف وخاف اطلع مغالي
وآنا الى اليوم يظل هذا فيْ بالي
لكن انا بكتفي واطرح سؤالي
غير الله منهو عرف حيدر يغالي
الله اومحمد فقط تعرفها ذاته
……………………………………
ابو مصطفى ال يوسف
10 فبراير 2018
24 جمادى الاولى 1439 هـ
