في مولد الامام علي عليه السلام
……………………………………….
هب النسيم ابرجب .. شهر المسمّى اصب
شهر الولاده ابعلي .. تلبس الكعبه ستار
……………………………………….
(1)
شهر العباده والاصل للمعالي
تنثر وردها مكه دون الليالي
بيت الله نوّر وابعلي ظل يلالي
يرسم علي بالنور خط الرسالي
خط ابيمينه علي .. والخط له واضح جلي
عالكعبه خط له رسم .. والنور شق الجدار
……………………………………….
(2)
اصل الولاده بالسما يشهد آدم
ثغر النبي نوره يشع من تبسم
نور الرساله اومنّه حيدر تجسم
والروح صارت بالجسد ليها بلسم
بتراب اصله ذهب .. اسمه علي ينكَتَب
ولأصل تربة علي .. واسم الذهب مستعار
……………………………………….
(3)
حيدر وليد الكعبه ماحد ينكره
مفطور حيدر من ازل ماله فطره
علم الأجنه يعترف ماله شفره
لو ما علي يختل مسار المجره
قبل الولاده امتلك .. حيدر مسار الفلك
ولأرض ويّا السما .. حيدر عطاهم مسار
……………………………………….
(4)
الله خلق طينه اومحمد عطاها
حيدر اخذها امن النبي واشتراها
وانخلقت الدنيا ابترابه اوسماها
عنصر الشيعه صار من محتواها
هالطينه اصل الوجود .. منها انخلقنا اونعود
ترجع تعود العلي .. يوم الحشر بختصار
……………………………………….
(5)
ياللي تعاند لا تفند كلامي
لاني مغالي لاني غافي ابمنامي
اصل البشر لتراب تشهد عظامي
معنى الرميم اشرحها وافهم مرامي
يعني الهشيم الجواب .. تصبح عظامك تراب
منهو ابو اتراب ايصير .. غير اللي حامل فقار
……………………………………….
(6)
قرب يشع حيدر يشيعه استعدّي
شعلي الشمع للبيت رحّاله شدّي
فرض الطواف ابمولده لله نشدي
شِق الجدار اغباره من عنده اخدي
صوغه اوهديّة طُهُر .. خلنا نشمَّه عطر
فاز ابسعاده وهنا .. من شم نسيم الغبار
……………………………………….
(7)
اختم كلامي مطلعي بالقصيده
حيدر صلاتي والعمل كلها بيده
حيدر صراطي بيده جنه سعيده
حيدر ولايه اونعمه الله الاكيده
حبل الولايه علي .. للمؤمنين الولي
واللي يبدّل علي .. بدّل له جَنّه بنار
……………………………………….
ابو مصطفى ال يوسف
28 جمادى الثانية 1439 هـ
16 مارس 2018
