في حق العليله فاطمة بنت الحسين عليه السلام
………………………………………..
جفن بالليل ما غِمْضَه .. سفركم للجفن شظّى
سفر وحباب
………………………………………..
(1)
سفركم بويه خلى الروح حراقه
ولا هي عاده خويه احمل افراقه
تگِلْ لي اشلون اصبر وآني مشتاقه
وَعَدْ لَصْبُر اذا توعدني نتلاقى
امْرُك من تِقِلْ عُودي .. سفركم شاهِد اعهودي
سفر وحباب
………………………………………..
(2)
اذا ابتمشون بويه ابمشية الهيده
تراه ايميل مهده ابوعرة البيده
لا اتقولوا الظعن عن فاطمه ابعيده
ترى بسمع لخويه ابمهده تنهيده
رباب اويمِّه بسمعها .. سفركم ادمى مدمعها
سفر وحباب
………………………………………..
(3)
يا بويه منام الليل اذّاني
چن عبد الله بيده كاس وَسْقاني
اخذني الشوق يمِّه لحظه سلّاني
طِرْت آنا وَحِس هالليل جنحاني
حفرتو اجروح بجروحي .. سفركم كسّر اجنوحي
سفر وحباب
………………………………………..
(4)
حلمي ظل حلِم والروح عِد بابه
عبد الله رجع للدار بحبابه
ظنّي بس صَدَق وحلامي كذّابه
ناعي الموت ينعى والحزن جابه
اييده للسما علّى .. سفركم صار اله امصلى
سفر وحباب
………………………………………..
(5)
كل مرسول من لطفوف سايلته
بويه احسين گلْ لي وين راحلته
رد لي قال ظعنه ابكربلا شفته
زينب للظعن مسبيه كافِلْتِه
لعند زينب اتودوني .. سفركم سَهَّر اعيوني
سفر وحباب
………………………………………..
(6)
امل عندي اذا لحباب لي ايرجعون
لزرع كل ارضهم لو حجمها الكون
وفتح باب داري للذي ايهنون
وادعي الباري اهلي عنّي لا ايبعدون
دون احسين جيتوني .. سفركم يتَّم اظنوني
سفر وحباب
………………………………………..
(7)
يكتاب المحرم صار الك سنِّه
اسمي امن الضعينه دوم ماحنِّه
عذرك كل خواتي يِنْشِدَن عنَّه
عليله والعذر ليهم امْقَدْمِنِّه
محرم من اجي صوبه .. سفركم ماني مكتوبه
سفر وحباب
………………………………………..
ابو مصطفى
15 ذو القعدة 1439 هـ
28 يوليو 2018
