………………………………….
مات الرضا مات
مات الرضا مات
………………………………….
(1)
مات الرضا وابطوس قوموا شيِّعونه
وابهيده خلو نزلته من تلحدونه
والماي فوق اتراب قبره تسكبونه
چبده ابحقدهم سم نجيع امذوبينه
مات الرضا مات .. وابموته حسرات
جت تقصده المعصومه .. ناحت بچت مهضومه
من عرفته مات
………………………………….
(2)
خيّم على طوس الحزن من هالخبر صار
والغيم غطى الواسعه والصفوه بكدار
شمس اللي كانت مشرقه واتشع بلنوار
غابت اوصارت مظلمه بالكون لقمار
يا شمسِ لشموس .. من غابت ابطوس
مشعل ضواها الليله .. نوره انطفى بالغيله
والدور ظَلمات
………………………………….
(3)
فقد الرضا اعلى الهاشمي فتت دليله
بالغربه مات ابن النبي واعلن رحيله
والنايحه ابكل بيت والمؤمن عويله
وامصيبة المعصوم من يرحل ثقيله
غربه اعلى غربه .. والفرگه صعبه
جا له الجواد ابموته .. يمه اولقى تابوته
جر لجله ونات
………………………………….
(4)
يا ياب صاح ابونته من ذاع صيتك
ملهوف قلبي يالرضا مقصودي بيتك
جيتك يبويه ابحسرتي هاليوم جيتك
بسمع وصاياك ابوقت صارت منيتك
جيتك ولَبّـي .. مفطور قلبي
ما حسّبت هالحسبه .. اوصل ديار الغربه
وادموعي جمرات
………………………………….
(5)
شال الردا عنه اولقى بالصدر حُمره
ظل يبچي وابقلبه الم وابلوعه حرّه
لنه عرف صدر الرضا موقود جمره
ظل يبچي نادى هالابو لله صبره
صبرك يمظلوم .. بالغربه مسموم
خبرني منهو يمَّك .. يوم العدوك سَمّك
وشگدها جرعات
………………………………….
(6)
من شال نعشه اوشاف تحته ايصير لحده
قام الجواد ابحفرته وابطول مده
والجنه صارت باللحد عالترب خده
شم تربته كلها عطر ونتحب عنده
رد كربلا اسنين .. واتصور احسين
خد الرضا من شمّه .. واحسين نحره ابدمه
فوق المسنَّات
………………………………….
(7)
والزهرا قصدت للمسير ابطوس تنعاه
لا تحسبوني للرضا ما روح ونساه
اولادي بين السم قضو والسيف ويلاه
كل مجلس اعليهم ينوح آنوح وياه
كلهم اجيهم .. وسمع نعيهم
وصعب عليّه اسمع .. لمن يجي بالمصرع
لحسين طيحات
………………………………….
ابو مصطفى ال يوسف
16صفر 1440 هـ
26 اكتوبر 2018
