……………………………….
وقف لحسين ليهم بالنظر دار
خليه ايشوفها خيمة الانصار
ينادي موحشه من دون لخيار
تضوي البارحه وتسطع ابلنوار
واليوم اصبحت منكم خليه
……………………………….
لم احسين بالحومه جثثهم
يهل لدموع يتْذّكر شيمهم
دون احسين بذلوها مهجهم
ظل ابكربلا ايرفرف علمهم
وظلت كربلا بيهم زهيّه
……………………………….
قضت ليل المحرم تحيي لنفوس
من بعد السهر نامت ابفردوس
نصر الدين شيد ليها ناموس
لبست للشهاده احلى ملبوس
كفنها اتراب ارض الغاضريه
……………………………….
نالت هالشرف متوسده اتراب
محل ديچ المصارع صارت اعتاب
حبيب ابمشهده واقف على الباب
يسجل كل نواعي الشيعه بكتاب
تحضر للنعي الزهرا الزچيه
……………………………….
ابو مصطفى ال يوسف
5 محرم 1439 هـ
26 سبتمبر 2017
