…………………………………….
امك تريدك يبني من توصل خدرها
سالم تشوفك يالولد هذا اليسرها
ما تقدر امك عالبچي يفقد نظرها
لو شافت اجروحك ترى يخلص عمرها
الله يعين امك يجاسم هالمسيّه
…………………………………….
شيلتك صعبه للخيم يبني تراها
تتنطرك رمله ترى افراقك ظناها
ظلت تلوج ابهالخيم ذايب حشاها
لو تدري امك هامتك تشخب دماها
تصرخ تنادي راح جاسم من إدَيّه
…………………………………….
جابه الخيم لحسين ودمعه فوق لخدود
نادُوا اعْلى رمله اتْوَدِعَه جسّام ميعود
من اقبلت شافت ولدها ابطول ممدود
اتمنيت نادت يولدي اتواريني بلحود
ما حسّبِت تبقى براضي الغاضريه
…………………………………….
يسراج بيتي اللي انطفى بالطف شمعته
حلو اللبن برضاعتك يبني شربته
وبحضني نومك اذكره وليلك سهرته
يا شبه سبط المصطفى وَافْخَر ولدته
وليوم جسمك عالثرى فوق الوطيّه
…………………………………….
ابو مصطفى ال يوسف
5 محرم 1439 هـ
26 سبتمبر 2017
