قصيدة لَـمّن تِرِحْلون

…………………………………..

احباب خَلُّوْني ابحزن يِلْهَب سعيره

وآني ابسفرهم دمعتي بالخد غزيره 

…………………………………..

(1)

ريّض يَحَمّاي الضعن لمن ترحلون

باخذ هِدِم عبدالله وامسح بيها لعيون

يسهل على عيني النظر لمن ترجعون

وَشْتم عبيره بالهِدِم هم لو بعدْتُون

وان چان يحصل لي الامر يبقى ابسريرَه

…………………………………..

(2)

خذني لرض لطفوف بس امْضي معاكم

هم لو عليله اقْدَر اخْطِيها خُطَاكم

وفرح اذا اتفرحون وابچي من بچِاكم

رِدني يبو السجاد من اعْثَر وراكم

ردي يبنتي سفرتچ صعبه اوْ خطيره

…………………………………..

(3)

بمشي ابمشي اسِكْينَه على مَهلى اوهبابي

لا اتْخاف ما ظِن عَثْرَتي تكشف حجابي

صوت الألم من علَّتي صبري ابجوابي 

خيمة رباب اويّا الطفل جاوُرْها بابي

ويّاك يلتم الشمل تحلى المسيره

…………………………………..

(4)

جِلْسي يَبِنْتي ابهالدرب يِلفي رَكُبْنا

من يقرب الهودج الچ سِمْعي خبرنا

عبدالله ما ظِن بالمهد تسمع له حنّه 

امُّه اعْلَى موته تنتحب واحنا انتحبنا

امّه رباب اتنوح وابموتِه كسيره

…………………………………..

(5)

تسمح يَبُويه اوْصيك من ترحل وصيّه

عبدالله من يلفي الوطن يرجع اليّه

مهده ترى لَيْضِيع برض الغاضريه

وَسْأل رباب ابهالأمر ما اترد عليّه

قَلْهَا الطفل منحور يبنيْتي مصيره

…………………………………..

(6)

ما شافت اعيوني يبويه لذة النوم

قلبي يابويه من سفركم يركب اهموم 

بدموع عيني هالحزن عَلْوَجنه مرسوم

والليل من اظلم سواده بيّن اعلوم

ظلّيت وِبْسِجن الالم بويه اسيرَه

…………………………………..

(7)

لفراكم ما ظل صبر مابيّه راحه

هالعله يا بويه الجسم زادت جراحه

اتمنيت ارحل ولعمر يقضي صباحه

من دونكم عِيشِي ابْكَدر خاوه النياحه 

صعبه يبويه ابلا اهل وابلا عشيره

…………………………………..

ابو مصطفى ال يوسف

26 شوال 1438 هـ

20 يوليو 2017