أرشيف القسم: الحمزة بن عبد المطلب عليه السلام

في حق سيد الشهداء الحمزه بن عبد المطلب سلام الله تعالى عليه

……………………………………………..

حمزه اسمك واللقب لله اسد

والشهاده سيّد انت اعليها

ابهالقصيده ذكر لِسْم اممَّك نريد

ولد هاله بنت وُهَيب احچيها

والفخر لك حمزه معناها شديد

سوح لك لبطال من تِخْليها

عالبشر زادك فخر وانت جدير

جاعلك عم النبي باريها

حِمْيَتك عن طه ماليها نظير

يوم قوسك للجهل ترميها

اول الرايات معقود ابلواك

امر من طه الك تمشيها 

يوم آخى المصطفى يوم الاخاء

اييد زيد ابأيدك اتْآخيها

وانت ذاك اليوم للهادي تصير

عمّه لو رادك اخو يعطيها

لكن الجنه الك منزل تصير

والشهاده ابجنّه لُكْ تِزْهيها 

منزله خصها الك رب السماء  

اومنزلت موسى العلي امخليها

ولأُخوه للنبي ايآخي المثيل

والاخوه بس علي امْحَلِّيها

حمزه تشهد لك بدر وادي النزال

ضربتك شيبه اعتلت واديها

وابأحُد صارت هِنِد تضرب دفوف

من عطت وحشي ابعهد يرضيها

خلته ابحقد اوغدر يطعن قفاك

آمرت چبدك غدت تفريها

هِنِد نِزْعت ثوبها ولوحشي صار

هم ذهبها دِيْن الِه تِوْفيها

بالمقابل باعت الدنيا ابخمار

چان ساتر ليها وامغطيها

قامت اتخاطب حقدها وتستشير

قال غلّچ لازم اتجربيها 

غل على الحمزه مشاهد مو خيال  

هالمشاهد لازم اتمثليها 

دينها مكتوب بين الحاجبين

اكلة اكباد يسمح ليها

چبدك اللي لاكته ليها تريد

توفي دين الچانت اتربيها

واعتلى حزن الرساله بالجراح

يوم وصلت لك غدر بيديها

صارت ابلهفه تبرد للغليل

جثتك فوق الثرى امسلبيها

هالحِزن ما ظن حَزَنْ قبله رسول

اوْلا رِوَايَتْ صَبُر نِزْلت بيها

نزل وحيْ الله على الهادي النذير

روح عمّك بالصبر ترثيها

ما انهدم قبرك ولا انهدت حصاه

لان كانت فاطمه تبنيها

هم رسول الله ابنعي روحك يدور

كل بيوت انصارها ينعيها

كل بواچي ابدارها صارت تنوح

قبل ما تبچي الاهل تبچيها

والنبي بالأمّه فضل بالإخاء

فقط حيدر اخ اله يبديها

والنبي بالأمّه ما فضّل عمام

غير حمزه ابهالأسم يرويها

……………………………………………..

ابو مصطفى ال يوسف

13 شوال 1438 هـ

7 يوليو 2017