في ولادة الامام زين العابدين عليه السلام
………………………………………….
ساجد سجود المولود .. عابد سجد للمعبود
………………………………………….
(1)
يالله نقصد للمدينه .. نطرق ابواب الجنان
للحسين احنا نبارك .. والمصونه شهزلان
نرسل اونبعث تهاني .. للذي بيده الزمان
مولد الطاهر العابد ..سجدته بقدس مكان
جبريل يكتبها المعاني .. واحسين يتلقى التهاني
والتهنيه بالمولود .. عابد سجد للمعبود
………………………………………….
(2)
عاصمة جَدِّه محمد .. بالولاده تفتخر
ولبقيع اصبح سفاره .. والدول كلها تمر
حورها الجنه تعنت .. بالورود اوبالعطُر
والسما فتحت فضاها .. للملايك تنتشر
فتحت الجنه كِلِ لبواب .. نزلت معاها كِلِ لحباب
هم تستعد للمولود .. عابد سجد للمعبود
………………………………………….
(3)
اتزينت ارض المدينه .. فصلت احلى الثياب
والنساء لبست اساور .. من ذهب تحت الحجاب
للنبي تمشي ابسكينه .. بالخجل تحني الرقاب
من رِياح الجنه نسمه .. اتعانقت ويا السحاب
والمعصرات الله نشرها .. رشت على العالَم عطرها
نسمات من هالمولود .. عابد سجد للمعبود
………………………………………….
(4)
نور للعالي تعلى .. واخترق سابع سما
والشمس يضوي قرصها .. بالوجه متبسمه
وانولد شيخ العباده .. والصلاة اتكلمه
سجد والسجده بداها .. بالدعاه والتمتمه
والتمتمه صارت السجده .. يتوسل الى الله ابْجَدِّه
من معجزات المولود .. عابد سجد للمعبود
………………………………………….
(5)
فتحت اليوم المساجد .. كل محاريب الصلاه
وارتفع صوت المآذن .. تلهج ابإسم الاله
زين لعباد ابدعائه .. ظل يفسر مبتغاه
واهم اللي قال قاعد .. بالفكر صابه اشتباه
عِلم الدعا صار ابصحيفه .. من الله هاذي هالوظيفه
ويا الصحيفه مولود .. عابد سجد للمعبود
………………………………………….
(6)
كعبة الله من تشوفه .. فتحت ابدربه الطواف
خلت العالم تتاني .. خلفه تمشي للزفاف
هيبته اوساحة جلاله .. امأرخه وابلا خلاف
والحجيج اتقوم فزّه .. حتى لو عدها اعتكاف
ما حَدْ قدر منهم ينظْرَه .. نظراته فيها القمر خزرَه
نظرة علي بالمولود .. عابد سجد للمعبود
………………………………………….
(7)
لو تدوُّر ما تلاقي .. مثلنا المولد نجيه
ما يهمونا ابملامه .. خلنا نفرح ما عليه
صفوة الله حجه صارو .. ولقلب هُمّه وليه
مثل ما الله اصطفاهم .. هم قلبنا يصطفيه
الله خلقنا بس اليهم .. بالفطره والطاعه نجيهم
قلب المحب للمولود .. عابد سجد للمعبود
………………………………………….
ابو مصطفى ال يوسف
3 شعبان 1440 هـ
9 مارس 2019
كربلاء المقدسة فندق قصر در الكاظمية
