Tag Archives: 2020

كريم الإييد ما يِخْلَى بُساطُه

دوم ابوجهه نلمح به بساطه

وقته اويانا يمضي ابكل بساطه

ونقضي العمر والعيشه هنيّه

السفرة

فرح وسرور

سهوله

بَعَد هذا الجرى ضَايُق نَفَسْنا

الى ازيارة علي اشتاقت نَفِسْنا

حتى ابشوق هالحاقد نفسنا

وباب الشوق سَكّرها عليّه

تنفس

النفس الذات

حسدنا 

لمع نورچ سنابس من حُجَرْنا

بنينا ابيوت لجلچ من حَجَرْنا

طلعنا ابلهفه نركض من حَجُرْنا

عساها انقضت ايام البليّه 

الغُرف

صخور

الحبس المنزلي

من عصر الجهل طه دراهم 

تِغريهم طمع حفنة دراهم

بالإسلام وابحيدر دراهم

نقدهم من ظلم هالجاهليّه

عرفهم

المال

حماهم

يحيدر بكتبك قصّه ونصفك

نص اللي مسك حبلك ونص فك

نصفك نار ياحيدر ونصفك 

جنّه وحبلك اصراط البريّه

اوفيك حقك

نصفهم تركك

النصف

يَبحْر الجود هالعالَم تُعُبْرُك

كِلْمات الوَصُف تِعجز تِعَبْرُك

من عادوك يالوالي تِعَبْرَك

حبلهم واعْثَروْ فوق الوطيّه  

العبور

التعبير

تشابك

يقولو الاسد خط بحدوده بسلان

اذا في امه فخر يتعدّى بسلان

وصل له الذيب يعوي ابسرعه بس لان

شاف الاسد يِجْمُر لحلى شويَّه 

خط الاساس baseline

مستأسد

اصبح ليِّن

خفيف العقل من ابْسَطْهَا بَخْ طار

ما يدري اشكثر دنياه بخطار

لو مِيَّة أمُر تدعيه بِخْطار

ما ايلبي الندا لنّه مُطِيَّه

من بخه وحدَه يطير

مصاعب بَلَّغه

جاني ابكل لباقه وقال بسلوب

لا تِعثَر درُب منْحِدُر بسلوب

فك روحك عن اللوبات بس لوب

حول اهلك ولا تبعد عليّه

طريقة مهذبه

مائل

اللوُبَه – اللهو في الطرقات 

تتواعد عشق كل جِمْعَه لَرْواح

تعَّبْها المسير ابْكِثِر لِرْواح

تطلب من اهلها ابوقت لِرْواح

تُوْهِبْ من ثواب إلْها هَديّه 

الارواح

المسير ذهابا

وقت بين زوال الشمس والليل

يسائل عن علي موجود فَيْ كون

نور الله انكتب لِهْ كن فَيْكُون

اذا مُو بالأرُض موجود فَيْكُون

علي ابسابع سما والنور ضيَّه

في اي من الاكوان

التكوين فَيَصْبَح

اخذها الطير منِّي جَنَّحْ إبهْا

جمر العشق خلّى جنّه حُبها

اييد اللي تمسها جُنْحَه إبْها

لَصِيد الطير واخذها بيديّه

طار بها

حبها كالجنَّه بها جناية

سَعيْت ابكل امل تِحْملْني خُطوات

نبضات القلب كهربها خَط وات

يُوَصِّلْها العشق وانْجِزها خُطوات

وعلى باب المحب تِشْعِل ثريّه   

خُطى الاقدام

تيار كهربائي – مجازي

مراحل

كتايب عن ابو الزهرا دَحَرها

ولَمُّه بت اسد فارس دا حُرها

وحِسَّادُك يبو اليمّه دُحُرْها

ابضربات الفقَار الحيدريّه

دفعَها

الحُر

خلهم يحترقون

اسوم ابكم ذهب وَرْبح وَكَاسُر

نَسَبكم شرف بالعالي وَكَاسُر

حميتوا الجار من جاير وُكَاسُر

نسل طه وعلي حامي الحميّه

افاصل

ملوك

طير جارح

اشوفك داير ابوجهك وكَلْحان

عليك اهْلُك يحاتونك وكِل حان

تِمَنِّيت الوقت يِسرُع وِكِل حان 

حسافه ابجِيَّتُك عابِس عليَّه 

مكَشُّر

جميعهم يحن عليك

اذا به قد اتى

ضحك ما بان بالبسمه ولا سِن

جميل الصوت لو جادل ولاسن  

ابهوى الاحباب لا شَرَّع ولا سَن

امير الحُب على العاشق اذيّه

اسنان

حاور

وضع قانون