في مسيرة الركب الحسيني ودور السيدة زينب عليها السلام بإمامة زين العباد عليه السلام
…………………………………….
قوم ابهمه جابر ضُمه صدر السجاد اليوم
واسي الزينب صدر امعذب متروس وكله اهموم
…………………………………….
(1)
من طبتها ابروس اخوتها وسط الشام اعلى الهون
طفّت شمعه شعلت دمعه ضوت مرآة الكون
أنَّت انّه الْسيْد الجنّه صلّت دِمْعت لعيون
من دعوتها ابدم اخوتها هزّت عرش الفرعون
نور الكلمه ابوجه الظِلْمه سيف ابإييد المظلوم
…………………………………….
(2)
زينب تحبس كل الأنفُس من تتكلم بحسين
تذكر دمِّه تترك وصمّه بُوْجوه المرتدين
ترجف يمْها ومابِتهما ارجال الماعندهم دين
كلهم صمته وفيهم كبته من ترميهم سجّين
فتحت جِنحه تسرد صفحه تعلن حُكم المحسوم
…………………………………….
(3)
روس اخوتها من حاطتها فوق ارماح العدوان
ظلّت تبچي وصارت تحچي واتخاطب عالي الشان
راسك عالي يقرا اقبالي ايه ابكهف القرآن
من سمعوها ما خلُّوها اتناغي ابعزه الايمان
اعلن خوفه كرسي الكوفه وصّل للشام اعلوم
…………………………………….
(4)
بيرگ غِيره يمّها ادِّيرُه ابدون اچفوف العباس
خاطت جوده ابدم ازنوده واتبسم ليها الراس
سهم ابعينه ودم اجبينه تنزف بالدم احْساس
حملت جوده ويّا ازنوده واغتنمت منُّه الباس
ظنّو تخضع يوم التسمع هام الكافل مهشوم
…………………………………….
(5)
خدر الزينب ظل امرتب يمتد عالكعبه استار
بيت العصمه الكعبه ابإسمه من والدها الكرار
رمز العصمه وتهتف بسمه ذبّت عنِّه الاخطار
تحمي الايه لجل الغايه يسلم نَسْل الاطهار
احسين ابدمه سد الثلمّه واحْيَت دور المعصوم
…………………………………….
(6)
ما كِسرتها وما ذَلَّتها وقْفَت باب الساعات
تِملِك منصِب كانت تُخْطِب تتفن بالكِلْمات
من تنظر لِه راس المولى تنزل ليها الايات
زينب صوره احسين السوره لا للذله هيهات
نامو الفتيّه ابْحُكم الرؤيا ويشهد لوح المرقوم
…………………………………….
(7)
صوت الخِدّر دمْعُه اتفجّر سد اعيون السلّاب
خدر الزهرا ستر العتره للحُرّه لبس احجاب
نور الهيبه ضوّى الريبه وفرّت منهم لذياب
خافت هربت لمّن قُرْبت شافت نور الاطياب
بس من ظِلها وظل كافلها خافت من ظلها القوم
…………………………………….
(8)
بمْر العصمه طُبعت بصمه زينب خُطبت بالشام
تعرف سُرّه واجب امره ترجع له بالأحكام
زينب دانت لمّن قالت عمرك معدود ايّام
بعد المقتل وضعه اتبدل حاكم شبه الاسلام
عاد المذهب وضعه اتْرتَّب واترمم كل مهدوم
…………………………………….
(9)
عاد ابدربه ارض الكربه وعادة صورة لسياد
قلب الصابر قابل جابر صاح ابونّه السجاد
آه يا عمّي زيد همّي بييدي ادْفَنت الاجساد
ابحز المنحر قلبه اتفطر لليوم احسين افّاد
قوم ابهمه جابر ضُمه صدر السجاد اليوم
…………………………………….
ابو مصطفى ال يوسف
16 محرم 1442 هـ
4 سبتمبر 2020
