في مناسبة مولد الامام الحجة بن الحسن عليهما السلام.
التفعيلة:
مستفعلاتن مفاعيلن مفاعيلن
_________________________
قرَّب فرحنا .. بذور الحب نثرناها .. قرَّب فرحنا
نزرع وردنا .. الى المهدي زرعناها .. قرَّب فرحنا
_________________________
(1)
شهر العداله .. نَجْمِه بالسما طالع
تِعلى ابتهالَه .. مُنيّه تطرب السامع
يمتى الدلاله .. تظهر في الفضا الواسع
لابن الرساله .. واحنا ابمجلسه انبايع
للبيعه رحنا .. مجالسنا فتحناها .. قرَّب فرحنا
_________________________
(2)
يالمهدي عدلُك .. كل انسان يدعي به
من يذكر اسمُك .. ينفَح بالعشق طيبه
بالفطره حفلك .. يبهج قلبه ترتيبه
من يعلى نورُك .. تِسمع نَهْمة اقليبِه
نبضة قلبنا .. على النهمه نبضناها .. قرَّب فرحنا
_________________________
(3)
كل المصادُر .. قالت يظهر ابوقته
لو حظي صايُر .. يمكن بالدرب شفته
بالدنيا حاضُر .. يمكن يوم قبَّلْته
واتمنى تاجُر .. يمكن يوم انا بعتِه
الله منحنا .. فُرَص واحنا غنمناها .. قرَّب فرحنا
_________________________
(4)
كل الاماني .. عيني الشوفُه متْكحْلَه
نطبع تهاني .. ترسم فرحة المقله
زرته ومكاني .. ذاك ابمسجد السهله
اصعب ثواني .. لمّن تنتهي المهله
ساعة فرجنا .. على اخروجِه ظبطناها .. قرَّب فرحنا
_________________________
(5)
حُطّوا الظعينه .. نزلوا راقبو المشهد
برض المدينه .. ظعنه للنبي مَقصَد
مُنجي السفينه .. قاصد جنّة الغرقد
يشبه نبينا .. نفس الطلعه لمحمد
لجلُك سفرنا .. مواكبنا ظعناها .. قرَّب فرحنا
_________________________
(6)
نرفع تحيّه .. لحظة يصعد المنبر
والي البريه .. كل شي ابغيبته امصوّر
لابن الزكيّه .. ميزان القضا اتغيّر
اوّل قضيّه .. فَدَك ترجَع الى الكوثر
من كل سِجِلْنا .. مشاكلها طويناها .. قرَّب فرحنا
_________________________
محمد آل يوسف - 1447 هـ
