في مقتل ابا الاحرار عليه السلام
………………………………………
اصبح الكون .. كله محزون
إبْقَتل لحسين برض الغاضريه
………………………………………
(1)
بالخيم صرخات كلها .. وين شايل يالولي
زينب ابنحره تشمه .. اتقول يا باقي هلي
امي وسطتني وصيه .. خويه دشرحها الي
بالنحر سيف الضبابي .. وخيل صدري تعتلي
هالوصيه .. امن الزچيه
شمّي صدر احسين وابنحره اليّه
………………………………………
(2)
كربلا يَمْ المصايب .. تفجعي قلب الرسول
ماجرت مثلچ مصيبه .. المت ضلع البتول
طبرت الكرار نزفت .. عاد لمرادي الفصول
بيچ ظل احسين وَحْدِه .. والشمر حوله يجول
ظامي چبده .. وحق جده
احسين يطلب بالقسم قطرة امَّـيّه
………………………………………
(3)
فوق تل الزينبيه .. نادت الحورى ابندا
احسين ياخويه ادركنا .. هجمت اعلينا العدا
ايست زينب جوابه .. تدعي لله وتنشده
وُصْلت المصرع تعاين .. شمر شافت يقصده
اتصيح خليه .. خيّه بفديه
ابسوطه يضربها اورماها اعلى الوطيّه
………………………………………
(4)
بن سعد محتار جيشه .. بس برز شمر اللعين
معتلى صدر الأيمه .. والشمر قاتل حسين
مكّن الملعون سيفه .. بالنحر يقطع وتين
شال راسه اعلى العوالي .. والدما فوق الجبين
واحسيناه .. واحسيناه
كبّرت لِمْلاك في السبع العليّه
………………………………………
(5)
ظلمت الدنيا علينا .. ظُهر عاشر بالطفوف
سال دم احسين بيها .. والشّمِس ليها كسوف
والسِّما تِرسل مَلَكْها .. لِلْأرض تنزل صفوف
والرُّسِل تنزل نياحه .. والدّمِع منها ذروف
هذا جبريل .. يقرى ترتيل
سورة الياسين يم جسم الشفيّه
………………………………………
(6)
انخمد ضي الكواكب .. ولكواكب واقفه
والرياح انذار بيها .. من حنين العاصفه
ابكربلا حلّت زلازل .. ترجف ابها الراجفه
صامته كل الخلايق .. بس حزن للمصطفى
ابصوت ونّه .. من تعنّى
لعد سِبْطُه مِن قَرَب سوى له فيّه
………………………………………
(7)
اجَّمّعت حوله الملايك .. والرُّسِل تنصب حداد
صار بالجنه نواعي .. نشرت اعلام السواد
والنبي ايعزيه حيدر .. ولحزن عم العباد
مآتم الزهرا تقيمه .. يتسع سَبْع الشداد
مأتمك دام .. هاذي ليام
صارت الشيعه تعزي ابها الرزيّه
………………………………………
ابو مصطفى ال يوسف
1 محرم 1439 هـ
22 سبتمبر 2017
