بمناسبة حصول نادي النور بسنابس على بطولة الكأس.
…………………………………………….
ارجع للسنابس وانشد الموال
قول النور عالي وما نزل سوره
من تنظر قمر يسطع ابوسط الماي
انظر فوق عالي ينعكس نوره
تلقى النور واحد ما اله اقمار
لان النور يضوي والقمر صوره
من تصعد جبل تلقى الجبل مشغول
يد للنور يلعب عالجبل كوره
على القمه تريد الانديه ترتاد
بس النور جالس ما خلص دوره
من تُبْحُر على شاطى السنابس يوم
ميّز نهمة البحار من طوره
اذا تسمع نهم بالهيل واليامال
على سيف البحر هالنهمه محفوره
ترى ابّحر السنابس يسرح اليويور
لا تنزل بحر يسرح به يريوره
من يهجم تحسبه يضحك اليريور
احذر والحذر من هجمه مسروره
يضحك لنه مولع بالذهب والفوز
وانواع الذهب للنور مخبوره
واختار الذهب ارض السنابس دوم
سنابسنا ذهب واعليه مفطوره
لا تقرب تريد الصيد يم النور
شباك النور حتمن هيّه مخطوره
مركب صيدنا من صالة الدمام
يبحر والسنابس مرسى له وخوره
ظنّوه انكسر لكن طلع يرتاح
لا بيده جبيره واييده مكسوره
واللي ما سمع يابوه لينا الكاس
اكيد اطرش بذانه وعينه هم عوره
…………………………………………….
ابو مصطفى ال يوسف
27 رجب 1439هـ
13 ابريل 2018
