بيتك خلِيّه اليوم يل تجر ونّات
يبچي لها التسبيح وتزيد زفرات
صدر الوصي مخنوق ومبيّن اعليه
يشهد له المحراب من عينه دمعات
من تبچي يا مهيوب ندريك ضرغام
بالحرقه دمعك سال ذوبها شمعات
وجهه من الاحزان لكدار تخفيه
فقد البتوله نار وابصدره حسرات
من شِجْرت الآراك ما خذ لك اعواد
بترابها لك شوق للزهرا حنات
صبرك اشبهه اليوم مخمود بركان
قلبك لهيبه صار بالصدر جمرات
نازل ينادي اعليك ينخاك جبريل
لا تنعى بسك صار كل دمعك افرات
ما ظنها تخفى اعليك يا كنز العلوم
من عالم الانوار والزهرا ايات
وحي الله والمرسول سماها كوثر
قُصر الحياة اتصير للزهرا ساعات
يعني انت حزنك كان من عالم الذر
روحك زمانك ثوب لبسها محنات
اركب سفينة نوح واقرا العناوين
يا داحي البيبان كاتبها نحّات
فوق النحت مكتوب منجي السفينه
حيدر يبو الحسنين نقراها مرات
يونس ابطن الحوت حس ابسكينه
يتلفظ ابأسماء يرسل تحيات
يذكر علي مذخور هاليوم وينك
من عالم الذر كان اسمك علامات
وابطن حوته صار يترتل اذكار
وابذكر اهل البيت يطلع سلامات
للعتره ادم آل عرَّفها لملاك
علَّمْهم الاسماء باعلى السماوات
والمغزى الله ايريد يكشف تفاصيل
كل اسم ليها ايشير يشرح كرامات
بالندم آدم عاش هم صار محتار
تمتم الهي الكون محلاها كلمات
الله كشف باللوح من تاب آدم
كرر عليّ اسماء اطهر سلالات
اسماء لهل البيت هم خمسة اشباح
محمد رسول الله من نسله قامات
طه شفيع الناس والوصي حيدر
نعمة الباري ايصير واكمل ديانات
……………………………………….
ابو مصطفى ال يوسف
٦ مارس 2016
