في وفاة امير المؤمنين الامام علي عليه السلام
………………………………………….
ذكراك يا حيدر علي نحييها .. يا ولي الأمه
وادموعنا صارت دما نجريها .. يا ولي الأمه
………………………………………….
(1)
نِسْأل يحيدر هالخلق متكدره
جبريل اينادي ياعظُم هالطبره
جرحك يحيدر يصعب عَلْ يِجِبْرَه
مجروح طه وهم جرح للزهره
ونّاتك اوهذا الجرح ياذيها .. يا ولي الأمه
………………………………………….
(2)
متألمه اعليك الانس ويّا الجان
وليلة قَدُر باتت عليك ابأحزان
وفراح عند اهل الكفر ولأوثان
متأهبه الجنه ونعاين رِضْوان
روحك اخذها الجنتك يحييها .. يا ولي الأمه
………………………………………….
(3)
من شال نعشك يالأبو عذبني
ويّاك بويه ابهالنعش دحملني
وسط القبر ويّاك هم لحدني
زينب انا يا بويه من تحضني
ارفج ابحالي الطبره لا تِشْظيها .. يا ولي الأمه
………………………………………….
(4)
ارض النجف يابا الحسن مذعوره
من هيس ابتربتها جسمك نوره
قالت يحيدر صولتك مشهوره
فوق الارض بيدك جثث مشطوره
هاليوم كيف ابهالحد تاليها .. يا ولي الأمه
………………………………………….
(5)
من مات حيدر صارت الكوفه ابنوح ما حد بقى ابهالكون مارد ابروح
وسط الفرات اعلام من عالي اتلوح
بين السفن هالراسيه مركب نوح
جت للنبي ولفاطمه اتعزيها .. يا ولي الأمه
………………………………………….
(6)
ولأنبيا اتعزي ابسماها المختار
واملاك نزلت للحسن وسط الدار
نزلت تعزي وتنتحب للكرار
واحسين يم زينب يدير الافكار
جالس معاها ابدمعته ايواسيها .. يا ولي الأمه
………………………………………….
(7)
نعشك علي شال الفلك من شالوه
واظلم علينا الكون لمن رفعوه
ضاق الفضا يوم الْفقَارك غمدوه
جرحك سقم للأمه هم من فتحوه
طول الدهر جرحك يظل يعميها .. يا ولي الأمه
………………………………………….
ابو مصطفى ال يوسف
14 رمضان 1438 هـ 9 يونيو 2017
