لسان حال الزهراء تنعى امير المؤمنين عليهما السلام.
…………………………………….
إلْجَرَح هامك .. هم جرَح ضلعين
بالصدر تدري .. لِيّه يابو حسين
جرحك ابجرحي اتّحد .. صار دامي للأبد
ادموم بجروحي ظلّت جاريه
…………………………………….
(1)
هالمآسي اشلون .. تنكتب بكتاب
ضلعي المكسور .. لو عَصُر بالباب
لطمة الخدين .. لو حطب لصحاب
محسن المصيوب .. من سقط ما طاب
هم مآسي كربلا .. وابسبي للعائله
وطول دهري عليهم باچيه
…………………………………….
(2)
ويش بيدي اعليك .. يا وصي المختار
واصعب الايام .. يوم وصلوا الدار
وآنا همي كان .. احمي بيدي اخمار
وانت داك اليوم .. غامد البتار
من شفتها غادره .. اسيوف صوبك شاهره
بعض لصحاب ابقتلك راضيه
…………………………………….
(3)
ابمسجد الكوفه .. اتغيب شمس الدين
ينفجع لسلام .. ابصوت ناعي البين
يسيل بالمحراب .. دم ابو الحسنين
بالسما صرخات .. مالت الكونين
انهدمت اركان الهدى .. بالفلك رد الصدى
ابصوت جبريل سمانا الناعيّه
…………………………………….
(4)
علمك ابحالي .. وانت تدري به
من طحت عالباب .. طاحت الهيبه
لازمه اضلوعي .. اولازمه امصيبه
خدري هاللي الناس .. كلها تحچي به
وجهي وابخدري الألم .. لحظت الظالم لطم
خدري راسم دَمِعْتِه الخافيه
…………………………………….
(5)
حيدر ايقلها .. فاطمه اشكي لي
جرحچ ابقرآن .. يقرا ترتيلي
عالأثر قاصد .. من خلص ليلي
يشْفَى جرح الراس .. بالدعا ادعي لي
اوصل اهناك ابوعد .. والنبي ابهاذي شهد
طبرت الراس يحيدر داميه
…………………………………….
(6)
صفَّت الاملاك .. تتنظر حيدر
روحه بييد الروح .. ولوجه مستر
تنادي ياجبريل .. خَلْني لو تقدر
طه يمِّه اتكون .. روحي من تِحضَر
والنبي لمن صعد .. روحه خلاها اوعهد
عالأرض تبقى لَيوم الغاشيه
…………………………………….
(7)
رحمت الله انكون .. عالبشر كلها
طه وصّى اوقال .. آلي واجملها
لا تأذوني .. كلمه فصّلها
فاطمه ابنيْتي .. وروحي هم الها
سَرْ أمُر جدّن خطير .. ترحلي اوظلعچ كسير
حور واملاك إلـْ طه امعزِّيه
…………………….
ابو مصطفى ال يوسف
3 يوليو 2017
9 شوال 1438 هـ
