ابـيات نعي في السيدة الزهراء عليها السلام.
…………………………………….
(1)
امــــنـــا يــبــويــه نــايْــمَــه يــمــكــن تـــراهـــا
مـــردود بـــاب الـحـجـره والـشـمـعه ابـضـواهـا
لِــمْــصَـلّـى مــفــروشــه وسَــبْـحَـتْـهـا مــعــاهــا
واچفــوفـهـا بــيــن الــوجِــن چنــهــا ابــدعـاهـا
مـــو عـــادة امـنـا بـالـضحى يِـغْـفِيها لـنـعاس
…………………………………….
(2)
قــرّبـنـا لــلـزهـرا ابــحــدر واجـلَـسْـنـا عـنـدهـا
والــعــاده امــنــا ابـهـالـوقـت عـالـرّحـى يــدهـا
وانـشـم عـطـرها ونـطْـبَع الـقِـبْلَه اعـلـى خـدْهـا
تِـحْـضُـنّـا وابْــنَـبْـض الــقَـلُـب نُــعْـرف جَـلَـدْهـا
والــيـوم لـلـزهـرا الـصـدر مــا يِـشْـهَق انـفـاس
…………………………………….
(3)
بــايـنـهـا يـــــا بُــونــا عــلامــة مــــوت لاحــــت
رجــلــيــنــهـا لـــــمّــــدَّده لـــلـــمــوت راحــــــــت
واعــلــى جــبـيـن الــوالــده الـعُـرْقـات ســاحـت
مـاتِـشْـكي يـــا بـونـا الألــم چنـهـا اسـتـراحت
واســكـوتـهـا يـالـمـرتـضي جَــــرَّح الاحــســاس
…………………………………….
(4)
ادري بِــلِــمـصـاب الـــجـــرى يــــــولادي ادري
مـــتــن الــوصـيـه والــصـبـر مــكـتـوب عــــذري
وابْــصَــدري يــتـالـم صَــبُـر وابــدّمـي يــجـري
وابــصــبـري يَــبْــنـي فَـــوَّضْــت لـــلــه امــــري
لا بــاس ظَــل يِـحْـمل الـفـرگه عـنـدي لا بــاس
…………………………………….
(5)
مـــا نــدري حـيـدر يــا خَـلُـق ان كــان بـالـدّار
ولا نـــــدري ويــنــه امْــغَـمِِّـدْ ابْــــدَارُه الــبـتّـار
ولا نــدري هــل نــادت الـزهـرا حـامـي الـجـار
يــمـكـن ابــــداره ويـمـكـن ابـحـضْـرَة الـمـخـتار
لــكـن هـجـوم الــدار صــار ابـحـضرة الـنـاس
…………………………………….
(6)
وجَّــــر افــــراق ام الــحـسـن بـالـقـلـب جَــمْـره
والــعِـيـشـه مـــــرَّه ومُــؤلِـمـه ولــفــراگ حــســره
مـــو سـهـلـه حــيـدر يِـسـمـع ابْـمُـوتت الـزهـره
ايــقـولـون روحــــه اتــهـيـأت وُصْــلَــت الــزَّفْـره
ضــاقـت الـمُـهْجه وانـتَـحَب مــن فِـعِـلْ لَـرجـاس
…………………………………….
(7)
دمــعـاتـه عــالـزهـرا الــولــي خــلّاهــا نــاعــور
يـمـشي عــن اقـبـور الـحـفرها ودمـعـته اتـفـور
وادْمُــوعــه مــلـحُـوده بَــقـت فـــي كـــلِّ لِـقـبـور
عَـفَّـى الـقـبر عَـفَّـى الـشَّـمِس والـدمـعه والـنُّور
والــهــم زرع ويّـــا الــحِـزِن شـيـبـات بــالـراس
…………………………………….
مـــــــــحــــــــمــــــــد ال يـــــــــــــوســــــــــــف
14 ربــــــــيــــــــع الــــــثـــــانـــــي 1443 هـ
19 نــــــــــــوفـــــــــــمـــــــــــبـــــــــــر 2021
