……………………………………..
هلّيت يا شهر المحرم والشهاده
هلّيت واحسين ابشهر يعلن جهاده
هلّيت يا حج الله لكبر والعباده
هلّيت وابنورك علم ينشر سواده
رفرفرف ابوادي كربلا لبيك يحسين
……………………………………..
نسمع ابعاشورك يبو اليمه اقاوييل
من يعتلي المنبر الواعظ يبدا ترتيل
لمن يقول احسين كلنا انصيح يا ويل
ياليتنا كنّا معاكم نسرج الخيل
وانصيح فوق اخيولنا لبيك يحسين
……………………………………..
عاشور من يقبل علينا انجدد احزان
تلقى ابوسط صدر الموالي القلب لهفان
مدفون فيه احسين وي جملة الشبان
واضلوعنا السِّبّاچ دايم طول لزمان
بصدورنا تسمع ندا لبيك يحسين
……………………………………..
واتعلمت نهجك الشيعه ابيوم عاشور
ترفع علم احمر وفيه احسين مسطور
تذكر امصابك تبكي حسره ابلطم لصدور
كل دمعه تنزل تنحسب والذنب مغفور
معنى اللطم بصدورها لبيك يحسين
……………………………………..
ما ينقضي شهر المحرم دون لنياح
بزيارتك تحيي التجاره وتجني لرباح
تحضر مجالس للعزى وادّاوي لِجراح
تقصد اراضي كربلا لحسين لرواح
ترفع ايادي من بُعُد لبيك يحسين
……………………………………..
من كربلا تستلهم ادروس الجليّه
هيهات منّا الذله واتنادي الابيّه
عاشور من يمضي ترد تحسب له جيّه
واتجدد الاحزان برض الغاضريه
واتنادي كلها ابحضرتك لبيك يحسين
……………………………………..
ابو مصطفى ال يوسف
1 محرم 1441 هـ
1 سبتمبر 2019
……………………………………..
