………………………………….
قاصِد اقْبُور الأيِمّة
كِلّي شُوق
وآنا امْشِي شِفِت
دَمْعَات ابأثَر
وصَّلِت عِنْد إلْقُبور
إلْهَا ازُور
لِمْحَة اعْيوني تِحيِط
ابْهَا بَشَر
كَِلّها وَقْفَه اوْاحِد
مِنْ جِلُوس
عِمَّتِه شَايِلها
قَالَوْ مِن حَضَر
بس وَنِينه ابْصُوت
يِنْحَب والدُّمُوع
مِنْ مَشَى صَايِر
اثَرْها لِلْحُفَر
مِنْ سُؤالِه يَمِّ
لِقْبُور الجَليل
صَار لِي مَعْلوم مَهدي
المنْتَظَر
للحَسَن اسْمَع يِرَدِد
عْمّي قُول
نَبْلةِ إلّي بِالنّعَش
ليها ضَرَر؟
قِلّي يا سَجَاد ادْرِي
بِك عَليل
كربلا فَصّل لِي مِنْ
حَزَوْ النّحَر
يَبُو جعفر ألْمَس
اهْدُومَك رَمَاد
قال يَالمهْدي اثَر
حَرْق إلْخِدُر
تالي لِصّادِق بَدَى
ايْنُوح ابْلَهِيب
قال زِرْت احْسين
غِسْلُك بِالنّهَر؟
اتْوَجَه ابْنَفْسِه
قَصَد امّ البَنين
مِنْ وصَل قامَت تِفَصِل
له ابْفَخَر
ارْبَعَة اعْمَام لِك
بَرْضُ الطُّفُوف
والشّهَادَه ابْمَدرَسَة
فارِس مُضَر
عَمَّك العَبّاس خَلّى
ابْجَنبِي قِيد
قِيد حَطّوه ابْعِنُق
زِينب أسَرْ
خَلّى وَيّا الزّهرا
صُوغَه امّنْ الطُفُوف
رُوح يا اوْلِيدي تِخُبْرُك
مَا صَدَر
راحْ لِلزّهْرا وُقُوفَه
اعْلَى الضّرِيح
نَشَدْ يايُمّه ضُلُوعُك
مِنْ كَسَر؟
قبل ما يِنْكِسر ضِلْعِك
مِنْ حَنَاه؟
قالت إلّي طَاح
عَالشّاطِي قَمَر
تالي بِمْصَابَه الحسين
اهْوَى عَليه
قَلِّه يا خُويَه
انْحَنَى مِنّي الظَهَر
ارْد اسْألَك زِرِت يَا
وِلدي الرّسُول
زرت يا جَدّه اوْعَطاني
هالْخَبَر
رُوح لُامّك فاطمه بَرْض
البَقَيع
عِدْها مِنْديل
اوْهَدِيّه امّنْ السّفر
قَالت اظْهُورَك حَتِم
لازم نِعِيد
دَوْلة اليَعْسُوب
يالثّاني عَشَر
وآنا بالمحَشَر إلِي
مَطْلَب وَحِيد
لِلّذي اتْسَبب على
احْسين ابْخَطَر
خَلّى ما يُوصَل إلى
الأطفال مَاي
خَلّى عَمّاتِك سَبيّه
ابْلا سِتُر
خَلّى جَدُك بَاقُر
ايْعِيش ابْهُمُوم
خَلّى سَجّاد إلْوَلي
عِيشِه ابْكَدَر
شَكْوَتي لُك تِظْهَر
اليُوم اوْتُقُوم
تاخِذ ابْثَار الضّلِع
وِالّي انْدَثر
وآنا لِي شَكْوى بَعَد
لله ابْزَمان
تِنْحِشُر كِل الخَلايِق
وُالزُّمَر
اطْلِبَه ابْكَفِين
عَبّاس إلْكَفِيل
واطْلِبِه سَهْم إلّي
اعْمَاه النّظَر
انْتَ ثَارَك يِنْتَهي
ابْآخر زَمان
وآنا ثَاري يِبْتِدى
اوّل حَشُر
………………………………….
ابو مصطفى ال يوسف
٢١ اغسطس ٢٠١٦
